الصيف معنا أحلى
 
الرئيسيةمكتبة الصوردخولالتسجيل

شاطر | 
 

 والله اني احبك رغم كل الظروف

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
e n g y
•°o.O نائبة المديرة O.o°•
•°o.O نائبة المديرة O.o°•
avatar

انثى عدد الرسائل : 48
العمل/الترفيه : ::طآلبهـ::
المزاج :
تاريخ التسجيل : 04/05/2008

مُساهمةموضوع: والله اني احبك رغم كل الظروف   الأحد مايو 04, 2008 2:32 pm

يايبتلكم قصة واااايد حلوه و انشاءالله تنال اعجابكم
الجـــــــــــــــــــــــــــــــزء الاول

في يوم من أيام اجازة نص السنة ..وبالتحديد يوم الخميس الساعة 8 ونص الصبح .. أبو ناصر كان توه راد من شيشة البترول معبي سيارته .. يبون ايسيرون ايقيلون في البر ويا هلهم ..
نزل بو ناصر من سيارته وهو يدندن بأغنيه ميحد حمد ....(انته عيني وانته شوفي والبصير .. والقمر لي زان به دعج الليال ...وانته نسمات الصبا وانته العبير ..وانته نوري وانته السحر الحلال ....)

ام ناصر: يالله بصباح خير ..الناس يسلمون أول ما يحدرون البيت انته حادر مستهوي .
ابو ناصرابتسم وكمل الاغنيه سوا عمره ما يسمعها : ( وانته شوقي في معاليج الضمير ..والولي عند الشقى وانته العلال ..فقت من نومي على طيف مثير ..زاير خطاف في صحوت خيال .........)
ابو ناصر: خلينا يا شيخه والله متولهين على المقيل في السيح من متى ما سرنا .

يلس على الكرسي ومسك الريموت كنترول وبدل على الجزيرة ....وألتفت يرمس حرمته : هاه خلصتي انتي وعيالج والا بعدكم .
ام ناصر: شوه خلصنا!! ....عيالك لين الحين ما اتزهبوا .
ابو ناصر: شوه يتريون لين الحين ..متى يبونا انهير!! ...الحين نحن الي علينا العزيمة ولين الحين ما ظهرنا .
ام ناصر: ما عليه نص ساعه وبنكون زاهبين .

يلست ام ناصر تسحي شعر بنتها (شمسه عمرها 8 سنوات )
........ابو ناصر عنده 4بنات وولدين ..البجر ناصر وعمره (24 ) وهذا يشتغل في ابوظبي ويظوي يوم الاربعاء ويهير يوم اليمعه ..يعني ما يتم في العين وايد ..ومريم وتركت ناصر عمرها ( 22) درست في جامعة الامارات سنة وعقب ودرتها ,خاطبنها (راشد ولد خالها ) وعقبها ميثه (19 ) وهي البطلة في قصتنا..ابوها مدلعنها وايد وايحبها اكثر عن اعياله الباجيين ..وهيه حبوبه وايد, تدرس شريعه وقانون في جامعة الامارات , عندهم بعد حمد (16 )في صف اول ثانوي وشمسه الصغيره الي قلنا عمرها 8سنوات ولطيفه (4 سنوات )........

ابو ناصر :بيكون ما نسيتوا شي من السامان .
ام ناصر: ما اظنيه نسينا شي .. البارحه بتنا لين نص الليل ونحن انقفض فيه .
ابو ناصر وهو يرمس بنته الصغيره شمسه :شموس حبيبتي سيري زقري الخدامه خليها تي .
أم ناصر : شوه تباها الخدامة الحين ؟؟ .. قابضه مونتها ..
ابو ناصر : ابا اخبرها اتحمل السامان في الكروزر .
ام ناصر : وشعنه بعد الكروزر.؟؟
ابو ناصر : ناصر واخوه ايسيرون في الكروزر .. وانتي والبنات ويايه .
ام ناصر : ناصر ما اظنيه يبا يسير سامعتنه امس ايقول لاتوعوني .. يبا يرقد حليله .
ابو ناصر وبدا يعصب :شوو ما بيسير .. عنبوه بيسلم على اهله وبيفازعنا بعده هناك .. كم مرة نحن انسير انقيل في البر!!..قومي قومي الحين وعيه ..
ام ناصر : ما عليه ما عليه الحين بوعيه .

ونشت ام ناصر توعي ولدها .....
وتدخل الخدامة .........
ميرانتي : بابا انته ايريد انا ؟
ابو ناصر :هيه سوقي السامان السياره .
ميرانتي : بابا انا ما يقدر اييشيل هذا صندوق زيادة كبير .
ابو ناصر : ما عليه انا بسير اشله وياج .

وظهروا وساروا صوب الصندوق ................
ذيج الساع سارت ام ناصر اتوعي ولدها ناصر ...في غرفه ناصر .....
ام ناصر :نصور ابويه نش عاد بسك من الرقاد .
انتبه ناصر : امممممم اميه شوه تبين؟؟
ام ناصر : ابوك يباك اتخاوينا .
ناصر : انا قايللكم من امس انيه ما بسير وياكم وموصنكم محد ايغثنيه .
ام ناصر : قم يابويه .. ابوك يباك اتسيرفي الكروزر حتنه فيه السامان و..وجان حطيناه في الاستيشن ما بيضمنا كلنا ..ما شاء الله

ناصر عقب ما عق عنه اللحاف وكان معصب حتنهم وعوه من الرقاد : ما عليه الحين انا ناش .
ام ناصر : يعلني ما اذوق حزنك يا الغالي .
ظهرت من حجرة ناصر وكانت سايره صوب حجر البنات ..
ابو ناصر :لا اله الا الله هب صندوق من كبره .. هب ثقل فيه ..تفازعنا عليه انا والخدامه ويالله يالله رمنا له .
ام ناصر : ما حطينا فيه الا الي نباه للعزيمة .
ابو ناصر : وعيتيه ولدج ؟؟
ام ناصر : هيه فديته هبط يتسبح .
يت ميثه الصاله وبكل دلع :صباح الخير... وحبت ابوها على راسها ووايهت امها ..
ابو ناصر : صباحج عسل ..
ميثه : ابويه لا تقول عسل انا ما احب العسل قولي ...صباحج فل وجوري .
ابو ناصر : ههههه صباح الفل والنرجس والجوري والورد بكل الوانه ..
ام ناصر : يا شين الدلع يووم ايكم على كبر .
ميثه: فديتني امايه توني بنت 19 .
ام ناصر : انزين بنت 19 تتحرين عمرج ياهل ؟؟ الي كبرج قدهن عرسن وعندهن اعيال .
ابو ناصر : تعالي تعالي ميثاني صبيلج شاهي والا لبن بوش ..خلي عنج خريط امج .

نشت ميثه وصبت الها جاهي وشلته وسارت صوب مريم اختها في حجرتها....

يلس ابوناصر ايطالع التيلفزيون...وعقبها..
ابو ناصر : عيل حمادي وينه؟؟ ..مساعه يوم انا ظاهر كان هنيه .
ام ناصر : هيه فديته ظهر قال بيسير يمشى شويه لين ما نزهب .
وشويه وأنه ناصر ظاهر من حجرته لابس وزار وفانيله ....
ناصر : السلام عليكم .
ابو ناصر+ام ناصر : وعليكم السلام .

ويهوي على رأس امه و ابوه وايحبهم فوق رووسهم ..
ناصر : شصبحتو اليوم ؟؟
ام ناصر : بخير يعلك الخير .
ناصر :دووووووووم ان شاء الله .
ابو ناصر وهو يرمس ناصر :وشعنه امبونك ما تبا اتخاوينا .
ناصر : ابويه تحيدنيه أضوي الاربعاء ..واتريا الخميس عسب اوطي راسي وارتاح .
ابو ناصر :يا بويه نحن ما نتيمع ويا اهلك وعمومتك الا عقب التوفات مرة ..
ناصر :هيه نعم .
ابو ناصر :عيل ياالله يا بويه هيداك تنشر ..كل الي نباه حطيناه في الكريل .
ناصر : ربكم ما نسيتو شي ؟؟

ام ناصر وهيه ناشه سايره صوب حجرتها:لا الغالي سم بسم الله وجدامك الرحمن .

يلس يتريق وبعدين ........... :عيل بسير اتلبس كندورتيه وأخذ سفرتيه وبسبقكم هناك .. الا ما حددتوا وين بتقيلون ؟؟
ابو ناصر :ظنيه الا ينوب صوب المرقاع الي غدف عزبة يدك بكم من كيلو .. عند ذاك العربض الزين ..
ناصر : زين عيل يوم الا هناك .. البقعه زينه ما شاء الله.
نش ناصر عقب ما شرب له كوب لبن .. وهبط حجرته ..شِل سفرته في ييده وظهر ..
ناصر : ابويه شي في خاطرك ؟
ابو ناصر :هيه صدق اخطف على العزبه .. وبتلقى بخش ذابح الذبايح ومغسلنهن ..خله ايحملهن لك ..وخله ايناولك الجدور الكبار ماليل العزايم ........هيه واخطف على الجمعيه وخذ ماي وبيبسي .
ناصر :فالك طيب .
ابو ناصر : فالك ما ايخيب.. دق لخوك خله ايخاويك .
ناصر :جيه وين هوه ؟؟
ابو ناصر : الا هنيه يتحوط .
ناصر : ما عليه .. ويالله حتى انتوا هيداكم تظهرون .
ابو ناصر : اتريا هالحرمات يظهرن .. جنهن سايرات عرس يتعدلن .. هب جنهن الا سايرات السيح .





يتببع

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
e n g y
•°o.O نائبة المديرة O.o°•
•°o.O نائبة المديرة O.o°•
avatar

انثى عدد الرسائل : 48
العمل/الترفيه : ::طآلبهـ::
المزاج :
تاريخ التسجيل : 04/05/2008

مُساهمةموضوع: رد: والله اني احبك رغم كل الظروف   الأحد مايو 04, 2008 2:33 pm

ضحك ناصر على رمسة ابوه وظهر عنه .
ظهر تيلفونه واتصل بحمادي اخوه وقاله انه الحين بيخطف عليه .
سمعته خته لطيفه الصغيره الي كانت يالسه تلعب يوم كان يرمس حمد .. يت صوبه وقالتله بكل براءه : ناثر ناثر..
ناصر:ها لولو شوه تبين
لطيفه : انا بثير وياك .
ناصر ويتظاهر انه عصبي :ما فيه عليج.. .. انا ما اداني اشل بنات ويايه .

زعلت من كلامه وكانت شويه وبتصيح .
ابتسم الها ناصر وهوا عليها وشلها :يا حلاتها السيره يوم الربيعه لولو .
ابتسمت له ولوت عليه ....

زقر ناصر على ابوه :ابويه بشل لولو بعد ويايه .
ابو ناصر : برايك بعدك بتفكنا من حشرتها
ضحك ناصر على ابوه وظهر وهو شال لولو وساروا صوب السياره ......

في حجرة مريم الي كانت ميثه عندها ..
ميثه :اوب اوب شوه هالحلاة كلها.. حق منوه متعدله هالكثر .
مريم بخبث : حق ريلج تصدقين ؟؟!!!
ميثه :خخخخخخخخخ بايخه ..ثره رشود ريلي وانا ما ادري؟؟!!
مريم : يعني يوم تدرين انه حق رشود شعنه بعد ترمسين وبعدين ليش اتقولين رشود ؟؟ .. اصغر عيالج لا اصغر عيالج هوه !!
ميثه :لا يدهم ..خخخخخخخخخخخخخ
مريم :ودج وود عيالج لو بو سنيده يدهم .
ميثه :بو سنيده بعد !!! لا والله تطورنا .
مريم : جان يازلج .
ميثه : تحيدين يوم اتمين اتصيحين عند امايه اتقولين ما تبينه .
مريم : كنت خبله وياهل وما عندي نظر .
ميثه : لاااااااه.. الي يسمع عاد انتي الحين عاقل وعندج نظر.
مريم : غصبا عنج بعد عاقل و رزين ....... انزين بتخبرج انتي شوه مهبطنج عندي الحجرة ..لج حايه هنيه
ميثه : هاويه اغلس عليج .
مريم : صكتي صكتي ..... اليوم عشاقج اثنينتهم بيكونون هناك .
ميثه : فديتهم انا ..ههههههههههههههه
مريم : فداج الند .. تضحكين هاه .. يا سفاحة القلوب ..
ميثه :خيبه سفاحه مرة وحده ..
وجان تدخل عليهن امهن :هاه بنات زهبتن والا ...؟؟
مريم : هيه امايه خلصنا .
ام ناصر : عيل لبسن عبيكن الحين بنظهر .
مريم : ان شاء الله .
ظهرت امهن عنهن ........
ميثه : بتخبرج مريوم وين مجله فواصل ما لت هالمرة .. والا شعر وفن مالت أمس ..؟؟
مريم :شوه تبينهن وانتي سايره السيح .؟؟
ميثه : ابا اعد عليكم قصيد في الدرب
مريم : اشوا اتحريتج تبين تعدين قصيد على عشاقج ..خخخخخخخخخخخ
ميثه : فقدت ويهج .. انزين وجان عديت عليهم شعليج انتي ؟؟
مريم : شعليه بعد ؟؟ عليه كندوره ..ههههههههههههههه
ميثه وبدت اتعصب : هب منج مني انا مضيعه وقتي ويالسه ارمسج ..بسير البس عباتي ابرك لي (ونشت وقفت عن مريم )
مريم : هههههههههههههه .. ايه ميثاني ما تبين المجله .
ميثه ترمس اختها وهيه عاطيتنها ظهرها : هيه هاتيها وياج .
مريم :مسرعها رضت .

وتلبسن البنات عبيهن وسارن صوب سيارة ابوهن ..وظهرت عقبهن امهن وهيه شاله وياها دلتها ومجبت السح .

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
e n g y
•°o.O نائبة المديرة O.o°•
•°o.O نائبة المديرة O.o°•
avatar

انثى عدد الرسائل : 48
العمل/الترفيه : ::طآلبهـ::
المزاج :
تاريخ التسجيل : 04/05/2008

مُساهمةموضوع: رد: والله اني احبك رغم كل الظروف   الأحد مايو 04, 2008 2:35 pm

في بيت سيف عم ميثه ............
دخلت فاطمه (خالة ميثه وفي نفس الوقت حرمة عمها )على ولدها سلطان وهوه البجر عمره 21 وعندها ولد غيره (مطر عمره 17)وبنت وحده (نوره 19 ) وهاي ربيعة ميثه الروح بالروح
ام سلطان : هب من عوايدك يا بو مييد اتنش من وقت ؟
سلطان : يا أميه هذا اليوم عنديه اكس بشل ..
ام سلطان : يا بويه منوه هاي وشوه من الشي هيه ؟!!
سلطان وهو ميت من الضحك على امه :فديتج يالعيوز اكس بشل يعني غير ومميز .. وانا هاليوم عندي غير عن كل يوم .. وهاليوم اترياه من زمان .
ام سلطان : اتحريتها وحده من لوثك ..بقوم اسير عند شيبتيه ابرك اليه .. ما ادريبك شوه عندك اليوم اتهاذي وما تدري شوه اتقول .
سلطان :هههههههههههههه .. انزين يا ام سلطان متى تبونا ننشر ؟؟
ام سلطان : والله يا ولديه الحين جانكم تزهبتوا .. توها اتصلت اليه خالتك وقالت انهم قدهم ظهروا من البيت .
سلطان : يالله عيل غايته .. بتسفر وبظهر ..
ام سلطان : على خير ان شاء الله ......... الا ما وايقت على اخوك جانه خلص ؟؟
سلطان : تونيه ياي من عنده وأحيده يرمس في التيلفون .
ام سلطان : اصبحنا واصبح الملك لله ..(وهيه يايه بتظهر من حجرة سلطان ): ماأدريبكم شوه لاقين فيه هالتيلفون ترضعونه ليل نهار

ضحك عليها سلطان وخذ سفرته ووقف جدام المرايه يتسفر وتم يدندن بأغنيه ميحد حمد .. (هلا يا مرحبا يا حي .. عدد ما تذري الذريان ..وعدد ما هب النسيم .. البارد الغربي يغذيها..وعدد ما هلت مزون السحب وهلت منها الوديان ..وعقب اسبوع نارت الارض ..من عشب ظهر فيها .........

...........المعروف عن اعيال هادف الشامسي انهم كلهم حلوين .. والحلاه الا فضلتهم .. وأحلى ما فيهم اعيونهم ..ارواحهن يسون الهن بلاد .. سلطان ما كان اجمل واحد فيهم .. بس كان يمتلك سحر وجاذبيه في عيونه نادر ما ينلقن في عيون أي حد ..ودومه انيق ومرتب وما يداني الا الزين .. كان لابس كندوره صوف بنيه ويالس يتسفر بسفره شال ..لانه الوقت كان وقت شتاء ..والجو الصبح بارد..

....(سلامي لك هديه .. والتحيه هرج والكتمان ..ومظلوم على نفسه ..ألا يا من يشافيها ..أهيم بحبك العذري ..واحاول سالي السلوان ..وروح الصب مملوكه ..اسيره في دواليها .....)تنصخ سلطان من الخاطر وقال فديت روحج يا ميثه من متى ما شفتج ..أخر مرة كانت من سنتين ت تقريبا ..وبالصدفه بعد .. والله اني ولهان عليج ...و... (ودي بشوفك يالغضي لو حصل لي .. واقدم تحيات من قلب ٍ شفوقي ......)سلطان كان سرحان ويفكر في حبيبة قلبه ميثه .. ..وشويه الا يحدر صوبه مطر ....
مطر : هاه يا بومييد الشيبه محتشر ..هبط عليه في الحجرة وما خلانيه ارمس في التيلفون ..يقول يالله انقفضوا ابطينا على الجماعه
سلطان :هههههههههههههههه انته تولاك الشيبه وانا العيوز .(كان يالس يرمسه ويفتح مضرب الدهن عود ..)

وقف مطر متعيب من سلطان كيف اتسبح بدهن العود .

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
e n g y
•°o.O نائبة المديرة O.o°•
•°o.O نائبة المديرة O.o°•
avatar

انثى عدد الرسائل : 48
العمل/الترفيه : ::طآلبهـ::
المزاج :
تاريخ التسجيل : 04/05/2008

مُساهمةموضوع: رد: والله اني احبك رغم كل الظروف   الأحد مايو 04, 2008 2:36 pm

مطر : حووووووووووه ..بسك خليت شي فيه ؟؟ .... لا يكون تتحرى عمرك ولد عبد الصمد القرشي ..؟؟
سلطان : والله ما أحيده من جيسك !!.
مطر : حرام ياأنه الشيبه اليوم تتيه حياطته من هالعطر الي حاطنه .
طالعه سلطان :جيه هم بيخاونا .. ؟؟شعنه ما اتسير هيه وشيبتها ونواري ارواحهم .
مطر :لا ابويه هالايام ما ايروم ايسوق ..ركبته اتعوره .. وبعدين يا خويه الكروزر عفسه بجامبيلاته.. وهم ما فيهم عليهن
سلطان : صدقك والله..وين نواري ماهضلت..
مطر: شتباها
سلطان: ما يابتليه المدخن ..
مطر : اسمع هذا؟؟.. انا اقولك محتشرين يبون ايسيرون وانته تبا تتدخن بعدك ..
سلطان : وانته شعليك خلني اتدخن ..
مطر: الحين بتلقى عيوزك يالسه عدال السياره بدلتها وطاست الجامي .. اليوم بتلقاها من الفير ناشه تخض سقاها .
سلطان : ههههههههه ..احيدها يوم وراها سيره من الفير تلقاها ناشه .. مهلجه عمرها والله( ويلس يرتب سفرته )
سلطان ويطالع مطر : يالله خلصت .
مطر : حشا ساير عرس كاشخ هالكثر وعطرك ايفوح من مسيرت يوم .. هب جنك الا ساير عند اغبرت السيح .

قبض سلطان مطر بييده وقاله : يالله يالله بنظهر وخل عنك هالرميسات ...

........وكان بعد من الي بيسيرون ويا الربع العزيمه .. خليفه (خال ميثه )الي حرمته الله يرحمها (حمده عمت ميثه )عنده 3 اعيال ...راشد (23 ) وهو الي خاطب مريم بنت عمته (اخت ميثه )..وعلياء ( 21) وأحمد ( 19) أمهم متوفيه يوم كان عمر احمد 3 سنوات .. اتعيش وياهم عمتهم (وديمه ) هاي كان ما خذنها واحد ظاهري ومطلقنها من زمان ..أتعيش ويا اخوها عسب تلقى السند الي يسندها وايعينها على تربية اعيالها .. وبالمرة اتساعد اخوها في تربية اعياله واتجابلهم عقب ما ماتت حرمته ..

وديمه عندها ولد وثلاث بنات ..حميد وعمره ( 22)وهذا ربيع سلطان وايد ودومهم متخاويين .. وعندها موزة وعمرها ( 20 ) وخاطبنها ولد عمها الظاهري ..والريم (18 ) أول سنه في جامعه الامارات وتدرس بعد شريعه وقانون شرات ميثه ونورة ..ومهره ( 15)في صف ثالث اعدادي ..هاي بختصار نبذه عن عايلة خليفة .. وعايلة وديمه ..
......خليفة كان ساير العزيمة في سيارته النيسان .. وشال وياه بنته علياء وأخته وديمه وبناتها ..والشباب (حميد وراشد وأحمد ) سايرين في سيارة راشد ..

وآخر عايلة كانت بتخاويهم هيه عايله سعيد عم ميثه .. وهذا اصغر عمومتها ..وماخذ وحده راشديه (خلود ) وعندهم بنت (أريام 4 سنوات )وهاي ابوها متخبل عليها لدرجه انه ايحب الناس تزقره بو أريام ..وعنده توأم فهد وشهاب عمرهم(سنه ).......

في سيارة خليفة (خال ميثه ).. صاح تيلفون وديمة ..ظهرته ورفعته لموزه ورى تباها اتخبرها منوه متصل ..
وديمة :موزوه شوفي منوه متصل ؟؟
موزة : امايه هاي خالتيه شيخه (أم ناصر )
ردت وديمة على اختها .....
وديمة (أم حميد ): ألو ..
شيخه (أم ناصر ): مرحبا الساع .
أم حميد : لمرحب باجي .
أم ناصر :وشالحال عليكم وعلى خليفه وعياله .؟؟
أم حميد :يسرج حالهم .. كلهم بخير وبنعمه الحمدلله ..أنتوا شحالكم ؟؟
أم ناصر : ما نشكي باس الحمدلله .. عسى ظهرتوا
أم حميد : تونا والله ظاهرين.. يا بوج هالبنات ما ينقفضن .
أم ناصر : وأنا أشد من اصبحت وانا اوعي..نكلميه لين ماوعن.. وبالزور توهن ظهرن .
أم حميد : يا حيكم والله ..
خليفه ايرمس وديمة ...: اتخبريها عن المكان الي عزموا ايسيرون صوبه ..
أم حميد : خليفه يقولج وين عزمتوا اتقيلون ؟؟
أم ناصر : انا متصله أشاروكم ..
وديمة اترمس خليفه : تشاوركم شيخه وين تبون اتسيرون والا ايودونا على هواهم ؟؟
خليفه : والله جان تبون رايي.. هنه واين انقيل دوم ..صوب( ............)وخبره بالمكان

خبرت وديمه اختها عن المكان وعيبهم الراي .. واتفقوا انهم كلهم يتلاقون هناك .. أتصلت وديمة في ولدها حميد وخبرته ..واتصل بو ناصر في خوانه وخبرهم .........


نرجع مرة ثانيه لناصر الي كان شال سامان العزيمه .. وكان بيخطف على العزبة ايشل الذبايح ..وصل ناصر للعزبة ونزل هو وحمد صوب بخش (هذا عامل عندهم من 25 سنه ومن كثر ما عاش عندهم .. ايعرف اطباع العرب وعاداتهم .. حتى انه يتوايه ويا الريايل يوم ايوون العزبه ) .. اتوايه وياه ناصر وحمد ..
ناصر وحمد : السلام عليكم .
بخش : وعليكم السلام .. مرحبا الساع بالشيوخ ..واشحالكم ؟؟
ناصر : بخير وسهاله الحمدلله ..
بخش : يا مرحبا بكم ..
ناصر : وين الذبايح الي وصاك ابهن ابويه .. ؟؟
اشرله صوب جدر عود محطوط قرب الباب .. وسار صوبه بييبه..
ناصر : هيه صح قبل لا انسى .. ما شي جدر ثاني اكبر عن هذا ؟؟
بخش : موجود طال عمرك ..

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
e n g y
•°o.O نائبة المديرة O.o°•
•°o.O نائبة المديرة O.o°•
avatar

انثى عدد الرسائل : 48
العمل/الترفيه : ::طآلبهـ::
المزاج :
تاريخ التسجيل : 04/05/2008

مُساهمةموضوع: رد: والله اني احبك رغم كل الظروف   الأحد مايو 04, 2008 2:37 pm

سار بخش صوب صندقه صغيره وياب منها جدر عود ..

حمل بخش لناصر الجدور في الكريل وناوله كيسه عوده ..مقطع الهم فيها خس وارويد وجرجير من انتاج الي زارعينه في العزبة ..(في هاي العزبه أو نقدر انقول عزبة ومزرعه في مكان واحد .. الي هن من ملك اعيال هادف الشامسي .. امخلفنها ابوهم عليهم .. فيها البوش والهوش والدياي والحمام والبط والارانب .. وزارعين فيها الطماط والخس والجرجير حتى الجت زارعينه فيها .. ما شاء الله تربتهم زينه وعندهم الماي متوفر ..ومرتبينه بطريقه وايد حلوه ..)

ناصر : شي في خاطرك .....
بخش : سلامتك طال عمرك .. موافج خير
ناصر : فمان الله

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
e n g y
•°o.O نائبة المديرة O.o°•
•°o.O نائبة المديرة O.o°•
avatar

انثى عدد الرسائل : 48
العمل/الترفيه : ::طآلبهـ::
المزاج :
تاريخ التسجيل : 04/05/2008

مُساهمةموضوع: رد: والله اني احبك رغم كل الظروف   الأحد مايو 04, 2008 2:38 pm

الجــــــــــــــــــــزء الثاني

ركب سيارته وسار فوق عرقوب عسب يلقط ارسال .. كان يبا يتصل في ابوه عسب يتخبره عن المكان الي اتفقوا عليه ..

ناصر : حيبه
ابو ناصر : هاه ناصر ربك خلصت مونتك كلها .
ناصر : معلوم يا بو ناصر .
ابو ناصر : ماقصرت يا بويه .. اسمع الارسال ضعيف ..؟؟
ناصر : بيقطع الحين .. ابويه وين عزمتوا ؟؟
ابو ناصر : صوب ............
ناصر : غايته .... انا بسبقكم هناك ..وبدور الكم بقعه فيها سمر زين يتقيل تحته ..

وسكر ناصر عن ابوه وسار صوب المكان ..ودور بقعه سنعه ونزل ويا اخوه السامان ... نص ساعه والا اكثر والا الكل واصلين .. (الا قوم راشد )..


اتوايهوا الاهل وعقب ما اتخابروا عن الحال وعن العلوم .. ساروا الريايل صوب سمره بعيده كان ناصر فارش حصير تحتها .. وشلوا اقهوتهم وساروا صوبها .. عسب الحريم ياخذن راحتهن ويطبخن غداهن وايخلصن مونتهن ..البنات فرشن الهن حصير ويلسن ايسولفن .. والحريم نفس الشي .. واتقهوين وعينن من الله خير وعقب نشن ايعابلن في الغدا..


.......استهموا الاهل على راشد وأعيال عمته ..تأخروا وايد .. مع انهم ايدلون المكان .. سار سلطان بسيارته صوب الرمله
واتصل على تيلفون حميد لقاه مغلق .. وجرب واتصل براشد وبأحمد وبعد تيلفوناتهم مغلقه .. وتم هوه ايحاول من صوب وناصر من صوب.. شوي الا انهم مجبلين عليهم ...شافهم سلطان وسار صوب اهله يخبرهم ..
.......وصلوا وتوايهوا ويا الريايل ..

سيف (أبو سلطان ):وينكم يا بويه استهمينا عليكم ...؟؟
حميد وأحمد يتغامزون ... حميد : بنجر علينا التاير وسلمنا سلامه لا ننجلب ..

راشد عقب ما شاف الكل امبهت في حميد وهوه يرمس يبون ايعرفون السالفه ..قال : يالله ياللواته .. اسميكم ما تعرفون تجذبون!! ...

ألتفتوا كلهم صوب راشد ... في هاي اللحظه .. حميد وأحمد نقعوا من الضحك .....

ابو ناصر : يعلكم الحوم روعتونا عليكم ..
أحمد : خلاص خلاص انا بخبركم بالصدق .
ابو سلطان : اقطعها امره محد يبالكم رمسة ..يوم الا هاي رمستكم..
سلطان : احمدوه قولو ا الصدق واحد منكم يرمس رمسة ريايل ..
أحمد : احمدوه بعد !!.. عيل هب قايل جان يبون هم يرمسون برايهم ..
راشد : انا بقولكم الصدق .. ونحن يايين صوبكم ..قصينا ثر قطا وتقفرنالهن وصدناهن ..
سلطان : أميلكم انزين سلاح ..
حميد : صاكتون راشد ....
راشد :هيه في سيارتيه حاط صاكتون تحت السيت ..
ابو سلطان : اشوا يا عيال يوم بعدها الا جيه .. زيغتون عليكم ..
ابو راشد : عيل عشانا عندكم اليوم .. بيكون بتعشونا اياهن ؟
احمد : ابويه ..شوه يعشيهم هالقوم ... (ويأشر على الريايل والحريم )
ابو سلطان : الله وكبر عليك ..رد اتشاهد على ويهك ..

والباقين ميتين من الضحك ..

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
e n g y
•°o.O نائبة المديرة O.o°•
•°o.O نائبة المديرة O.o°•
avatar

انثى عدد الرسائل : 48
العمل/الترفيه : ::طآلبهـ::
المزاج :
تاريخ التسجيل : 04/05/2008

مُساهمةموضوع: رد: والله اني احبك رغم كل الظروف   الأحد مايو 04, 2008 2:39 pm

أحمد وهوه يضحك : ههههههويمسح على ويهه .. لا اله الا الله ...
الباقيين : محمد رسول الله ..
حميد : شباب ترانا بنتعشاها اليوم في العزبه .. والا يبا ايخاوينا مرحبا به ..
أحمد : يعني للشيوخ ومن يرغب من ابناء القبايل ..هههههههههههههه
ابو ناصر : لا هذا اليوم شي ناولنا..
أبو راشد : وابويه عليك انا ..
أحمد :خلاص يا بويه ما برمس ..


في هاي اللحظه يت صوبهم أريام بنت سعيد ..:باباتي وين السويج ابا ايب شي من السياره ..
لو عليها ابوها ويلسها في ثبانه ............

جان يضحك مطر ويقول : عميه .. شدنك خربت النسل يوم خذت راشديه ...نحن الواحد منا عينه هالكبر...
وجان يفره عمه سعيد بفنيان الا الحمدلله مطر كان منتبهله : يالهرم .. ودك انته .. اصلا بنتيه غزال فلي هزاع كله
أحمد : امحق غزال.. اسميها الا استخولت .. عيل امين يابتهن هالعيون الصغار ..
ابو ناصر : يا حافظ .. الزين امشابهنكم .. والشين اتردونه على خوالهم ..
سعيد : اسمع عاد انته ..
مطر : هيه عمي شوف شهاب وفهد .. الواحد منهم عينه تسوى له ساويه ..
سلطان : خلو عنكم هالرمسه ... (ويرمس راشد ) ..: ايه رشود نش هات الصاكتون من السياره ..

طالعه حميد وقاله :شتباها..؟؟
راشد : صبر صبر ..قال رشود .. ايه اتحيدنيه اصغر اعيالك ..جانيه ريال بلحيتيه وتقزرنيه رشود ..
سلطان : رشود قم هاتا لا اخلي عمي محمد يتعايز ولا ايوزك بنته ..
راشد : جيه على كيفك هوه ..


وكلهم تموا يتضاحكون عليهم وهم يتناقرون ..

حميد : انزين بتخبرك اشتباها ..
سلطان : نبا نتحاد بنحط هدف وبنشوف منوه الي بيصيبه ..
حميد : غايته .. ويرمس راشد .. قم نزلها من السياره ..
راشد : حليلكم صدقتوا عماركم .. لا بيايبنها ولا شياته ..
ابو سلطان : بو سنيده .. ؟؟
راشد : عونك ..
ابو سلطان : نش وانا عمك هاتها ..بنشوف منوه الصوييب منكم ...

فز راشد من يلسته : فالك طيب عميه ..

نش وسار صوب سيارته ..وهو خاطف عدال سلطان .. ألطمه لطمه على راسه .. وجان اتطيح سفرته..
ويتناول سلطان وطيه من عداله ويفرها عليه..

مطر : لا اله الا الله ..شعنه ضيعت سفرته .. جانه من اصبح وهو يعدلها ..
الجميع : هههههههههههههههه

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
e n g y
•°o.O نائبة المديرة O.o°•
•°o.O نائبة المديرة O.o°•
avatar

انثى عدد الرسائل : 48
العمل/الترفيه : ::طآلبهـ::
المزاج :
تاريخ التسجيل : 04/05/2008

مُساهمةموضوع: رد: والله اني احبك رغم كل الظروف   الأحد مايو 04, 2008 2:40 pm

في هاي اللحظات ميثه كانت اتطالع سلطان .. ويوم شافت الي سواه راشد بسلطان .. قرصت اختها مريم ...)

مريم : أي شعندج ..؟؟
ميثه وهي تصاصرها : شوفي ريلج شوه سوا .. خرب سفرة سلطان ..
مريم :خيبه ثرج يالسه اترصديلهم ..
ميثه : هيه عندج مانع ..!!!
مريم : الحمدلله والشكر ..بس ان شاء الله ايشوفج ناصر ..
ميثه : هم لاهين يرمسون .. وبعدين انا ما انشاف من السيايير..

....الحريم يالسات في مكان بعيد شويه عن يلست الرياييل ..ومذرين امبينهم بالسيايير .. وشويت نفس امبينهن .. وسيده على مكان ميثه .. عادي هيه ما مقصره ..


ميثه كانت اتشوف سلطان يوم أي بيتهم ايام الاعياد او المناسبات .. بس ما كانت تظهر عنده واتسلم عليه الا جان بالصدفه ..وتكون متغشيه طبعا .....

.........انرد ليلست الرياييل ..
بو ناصر : انزين ..شوه بتحطون هدف ؟؟
مطر وهوه يضحك : ههههههههه .. عين اريام بنت عمي سعيد ..
سعيد :عنلاتك يالهرم .. ...ويفره بتيلفونه وجان يلقفه ..
مطر : عميه جنك حالف اليوم ما اضوي البيت الا وانا مفلوع ..
احمد : خخخخخخخخخ .. تستاهل ..
سعيد : عيل تباني احط عين اريام هدف ..

جان ايعطي سعيد بنته السويج وقالها : سيري يا بويه هذا مطور اليوم ع شي ناولج ..

خذت اريام السويج من عند ابوها وسار تربع صوب السياره

سعيد وهو يزقر عليها : اشوي اشوي ابويه لا اتطيحين ..
حمد : طالعوا انتوا الربعان شقايل ..
سعيد : افا .. حتى انته يا حمادي وياهم .. وأنا امدحك وأقول انك شيخهم ..
مطر : ايوه عمي عليه ..
سعيد : سكت انته لا افرك بعدني بشي ..
مطر : عادي متزهبلها الفلعه اليوم ..
سعيد :يالله عرسوا وبنشوف نسلكم ..
مطر : بتعذر عنهم عيالي ..
سعيد : بنشوف انزين ..
راشد عقب ما ياب الصاكتون من السياره : هاه شوه قلتوا بتحطون هدف ؟؟
سلطان : بنحط غرشه ماي فاضيه ..
راشد : لا لا هب شي .... نبا شي اصغير..

حميد : انا عندي الكم شور .. شوه رايكم انحط كوب ماي مجلوب فوق ذاك العرقوب وندفنه اشويه في التراب .. وانحط
فوقه حصاه . والي ايصيب الحصاه بدون ما يطرح الكوب هوه الفايز ..
راشد : يالله بنجرب..
ابو ناصر : انا بحطلكم شاره الف ..
ناصر :.. يالله الف .. شويه ابويه ..
ابو ناصر : عاد عن البطره .. انزين 1500..
ابو سلطان : ومن عندي انا 1500 ..
ابو راشد : ومن عندي انا بعد 1500 .. بعد اشتبون ..

ابتسموا الشباب عيبهم الشور ..

وبدوا .. وتموا محتشرين وحالتهم لله .. ووحاولوا كلهم محاولتين .. ويوم ما ايصيبون الي ايكون دوره ..اشتلوا كلهم عليه (اووووووووووووووه ) في المحاوله الثانيه لراشد صابها .. قنيص ما شاء الله عليه ونادر ما يخطي .. حتنه دومه مخاوي الشيوخ ..

يعني فاز راشد بالشاره .. عقب ما خلصوا يلسوا يتقهويون ويسولفون ..

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
e n g y
•°o.O نائبة المديرة O.o°•
•°o.O نائبة المديرة O.o°•
avatar

انثى عدد الرسائل : 48
العمل/الترفيه : ::طآلبهـ::
المزاج :
تاريخ التسجيل : 04/05/2008

مُساهمةموضوع: رد: والله اني احبك رغم كل الظروف   الأحد مايو 04, 2008 2:41 pm

انسير صوب الحريم

ام ناصر وام سلطان وأم حميد ..وخلود حرمة سعيد ..يلسن ايعابلن في الغدا ..والبنات .. مريم وموزه وميثه ووعلياء والريم ونوره ومهره يلسن ارواحهن ايسولفن عقب ما فازعن الحريم اشويه .. (بنات اليوم اشدراهن بالطبيخ )
ميثه : بتخبركن ... نحن يايين نيلس والا يايين انحوط .. ؟؟؟!!!
مريم : انزين نشي حوطي حد قبضج ..؟؟
نوره : والله صدقها ميثاني ..الجود وايد حلو .. يبالنا انسير نتمشى ..
الريم : يالله انا بخاويكن ..
مهرة : أنا بسير ألاعب عيال خلود .. فديتهم يا ربي محلاتهم
الريم : برايج ..يا أم اليهال ..
علياء : هاه مريوم وموزوه تبينا انسير اوياهن والا نيلس عند الحرمات ..
مريم وهيه تأشر على ميثه والريم ونوره ..: يهال يهال .. منوه ايسير اوياهن ..
ميثه : الحين يهال .. مساعه محتشرات تبنا انسولف عليكن ..
نوره : ما عليه .. سيرن سيرن عابلن عيل في الغدا يالعيايز ..
موزه : ما عندهن سالفه الا عن البنات وهالجامعه .. ويليتهن بعد فالحات فيها ..
نوره : اقول .......انتن اتخابرن شوه ايحطون من الرسوم الساعه 9 ..لا دوامات ولا شياته
مريم : عنلاتج يالدبه ؟؟؟
ميثه : مريوم ابركلج لا تعمين على نواري فديتها ..

وجان تلوي عليها ومسكت الريم بيدها وشلن شنطة ميثه الي كانت يايبه فيها الهد فون وسارن يتمشن في عكس الاتجاه الي يالسين فيه الرياييل عسب ياخذ راحتهن ..

مريم : رووح الثلاثي الكوكباني ..

الكل تم يضحك . .......... يت خلود ويلست ويا البنات الباجيات وتمن ايسولفن ..

ابتعدن قوم ميثه اشويه ودورلهن مكان سنع ويلسن فيه وشغلن المسجل ..وما خلن فلانه ولا علانه في الجامعه ما طرنها .. ميثه ونوره هاي الهن ثاني سنه في الجامعه... والريم الكورس الي مركان اول كورس الها ..
ا
لمعروف في جامعه الامارات ويمكن بعد كل الجامعات .. انه كل بنت لازم اتكون عندها بنت مميزه وايد ..وغير عن الكل .. تمن كل وحده اتخبر الثانيه عن حبيبتها .. وشوه سون في الجامعه وشوه قالن .. ..

الكل يشهد انه الريم هيه ملكة جمال العايله .. لامه جمالهم كلهم ..عليها جمال ميزها به ربها عن الكل ...وعليها منطوق ايذوب الي يالس يسمعها.. على غرور بسيط وكبرياء زايدنها حلاه على حلاتها .. عاد هاي امخبله ببنات الجامعه من جمالها .. والمعروف بعد انه كل مزيونه ايكونن عندها وايد معجبات .. ( قاصر الا ايعطنها ورقه وقلم وياخذن توقيعها D: )

الريم : تحيدن موزه المزروعي الي خبرتكن عنها من زمان .. الي كانت تبا اتعرف عليه .. وكانت بتموت واتعرف انا منوه احب ..
ميثه : هيه هيه عرفتها ..
نوره : منوه هاي ما اتذكرها ..
ميثه : موزه المزروعي الي ربيعتها شما المنصوري
نوره : هيه هيه توني تذكرتها ..
ميثه انزين شوه فيها ..
الريم : الكورس الياي ما بتداوم سحبت اوراقها .. والاسبوع الياي عرسها ..
نوره : حليلها تستاهل ..
ميثه : ما خبرتيها عاد انتي منوه اتحبين .. والا بعدها في خاطرها ..
الريم : ما اظنيه الحين ايهمها هالموضوع ..
ميثه : معلوم ....... الوحده من ايبولها طاري العرس وانها بتعرس تنسى هلها وربعها وطوايفها .. واتقبض فيه قبضه
نوره وهيه ميته من الضحك على ميثه : الله يقطع سوالفج ميثاني ..

الريم : تدرن ... في خاطريه اكتب الها في ورقه اسم الي احبها .. وساعة ما تكون على الكوشه اعطي حد الورقه ايوديها الها ..
نوره : ييه ها ذاك الساع وايد عليها لو شافت الي يايبلها الورقه لين تقراها ..

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
e n g y
•°o.O نائبة المديرة O.o°•
•°o.O نائبة المديرة O.o°•
avatar

انثى عدد الرسائل : 48
العمل/الترفيه : ::طآلبهـ::
المزاج :
تاريخ التسجيل : 04/05/2008

مُساهمةموضوع: رد: والله اني احبك رغم كل الظروف   الأحد مايو 04, 2008 2:43 pm

جان تبتسم ميثه وشلت المسجل فاييدها ونشت ..وهيه اتغني ويا ميحد ..
نوره : ميثاني وين تبين .. ؟؟

ميثه عادت الاغنيه من اول والتفتت صوب البنات .. : الا هنيه هب سايره مكان ..

تمت ميثه تتمشى وهيه مندمجه في الاغنيه ..ميثه كانت اتحب سلطان ..من يوم كبرت وشافت سلطان جدامها ..كانت اتحبه بصمت بدون لا حد يدري ..بس مريم كانت دومها اتغايضها بسلطان وحميد . لانه الريم ونوره كانن ايخبرن ميثه بمشاعر اخوانهن تجاهها ..وكانت هيه اتخبر مريم اختها .. بدون ما تعرف كل من الريم ونوره عن الي ايكنه اخو الثانيه لميثه .. .. يعني ميثه كانت اتعرف بمشاعر سلطان وحميد ..

بس هيه حبها لسلطان كان وايد كبير من يوم ما كانوا اصغار .. كان دايما ايحايز عنها جان حد غلط عليها ..وكان عوف في الكل الا في ميثه لا ... كان دومه ايعاملها معامله غير ..

سلطان هب بس ايحب ميثه .. سلطان يعشقها ويهواها .. ويتفدا حتى ثرها يوم تمشي ..ويهوى الهواء الي تتنفسه ..حبه الها كان امبين في اعيونه .. بس نحن عندنا الواحد ممنوع انه ايبين مشاعره ..ويكشف سره عن الي ايحبها خاصه لو كانت الي ايحبها بنت عمه ...او وحده من العايله ..الا جانه قال لهله انه يبا يعرس ابها .......

الريم : لا ميثاني صايدتلها غزاله شكلها ..
نوره : شكلها والله...ههههههههههههه
الريم : خلصتن تسجيل الكورس الياي ..
نورة : سجلنا اانا وميثاني نفس المساقات ..
الريم : يا حظكن والله يا ليتني كنت امخلصه شي من مساقات الاساسي جان سجلت شي وياكن ..
نورة : ههههههههه ..يا ويله الاستاذ الي بناخذ عنده ..
الريم : وده يوم بناخذ نحن عنده.. آخر الكورس بتلقونه يترجانا نسجل عنده للكورس الي بعده ..
نوره : هههههههههه .. ما اظن ..

شويه والا ..

ميثه : ااااااااااااااااااااااااااااااااااااااااي ..


=================
نهاية الجزء ..تتوقعون ميثه شياها ؟؟؟؟!!!!

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
e n g y
•°o.O نائبة المديرة O.o°•
•°o.O نائبة المديرة O.o°•
avatar

انثى عدد الرسائل : 48
العمل/الترفيه : ::طآلبهـ::
المزاج :
تاريخ التسجيل : 04/05/2008

مُساهمةموضوع: رد: والله اني احبك رغم كل الظروف   الأحد مايو 04, 2008 2:44 pm

الجــــــــــــــزء الثــــــــــــــــــــــــالث


والتفتن صوب ميثه الي قدها ابتعدت اشويه عنهن ..ونشن وربعن صوبها .. وكانت ميثه يالسه وماسكه ريلها ...

نوره : فديتج ميثاني شوه فيج ..
ميثه : اتخرطفت في هاي الحصاه العوده .. الله يا خذها ما شفتها .. وجان تفتر ريلي..
نوره : لا حووووووووووووووووووول ..

الريم وهيه مبتسمه : هب منج من الي ماخذ عقلج ..

ميثه تقول في خاطرها :فديته الي ما خذ عقلي : اااااااااااي مالت عليج يالريم انا اتويع وانتي تعلقين ..
نوره وهيه اتطالع ريل ميثه شوه ياها :ميثاني قومي فديتج خلينا انرد ..
ميثه : قبضي ايدي فازعيني بنش ..قبضتها نوره بإيدها ..وفي اييد ميثه الثانيه المسجل ..
الريم : فريه وين تبيبه بعد ..
ميثه وهيه تتألم : لا هب فارتنه ولا من قال..

حاولت تمشي وهيه متسانده على نوره بس ما رامت تمشي ..

ميثه : اااي ..نواري والله ما أروم امشي .. وبعدين نحن ابتعدنا اشويه عنهم وانا ما اروم امشي لين اهناك ..
نوره : خلاص انا بتصل في اخويه سلطان وبخليه أي صوبنا والا ايطرش النا حد ..
ميثه من سمعت اسم سلطان فز قلبها .. ونست الويع وجان اتدوس على ريلها الي اتعورها ..
ميثه : ااااااااااااااخ ..
نوره وهيه متروعه على ميثه : ميثاني اشياج ..
ميثه : لا ما شي بالغلط دست على ريلي الي اتعورنيه..
الريم : احسن حل بنتصل في خالي خليفه وبنخليه ايي .. والا ايشوفلنا حد ..
ميثه : يالله نواري عطيها موبايلج خليها تتصل في خالي خليفه ..


..........ميثه ما كان عندها موبايل .. لانه منقود عندهم البنت ايكون عندها موبايل .. والريم بعد نفس الشي .. واوقات يوم ايكونن محتاياتنه في الجامعه ايشلن مال امهاتهن ..(وهذا ما يعتبر عدم ثقه .. لا بس لانهم هم ايشوفون انه البنت لو ما كانت معرسه ما اتكون محتايه موبايل )


نواري الوحيده الي كان عندها موبايل ..لانه البنت الوحيده في البيت وابوها امدلعنها وايد .. وطلعلها رقم وموبايل رغم انه اخوانها كانوا امعارضين .. بس يوم يرمس ابو سلطان محد ايروم ايقول لا ..

عطت نوره الريم موبايلها ..

الريم وهيه اتطاله الموبايل : نواري امره موبايلج ما فيه ارسال .. ( وترفعه فوق ) وايد عليه فيه نقطه وحده ..
ميثه : لا حوووووووووووول
نوره : صبري فديتج الحين بنلقى الحل .. (وترمس الريم ) : ريماني سيري فوق ذاك العرقوب ربج ايطيع يرسل ..
الريم : لا .. شوه رايكم انا اسير امشي لين عندهم واخبرهم واخلي حد ايي ..
ميثه : لا لا سيري اول شوفي التيلفون ربج ايطيع يرسل .. وان ما طاع بندور حل ثاني ..

سارت الريم صوب العرقوب .. وهيه ترفع التيلفون اتحاول تلقط الارسال ..

سبحان الله في نفس الوقت كانوا حميد وسلطان ايجربون سيارة سعيد الي كان يديد امظهرنها من الوكاله ..ومشغلين على المسجل ومطولين عليه .. وكانوا حاطين اغنية محمد عبده (انا حبيبي بسمته تخجل الضي ) ..

حميد وسلطان . هالاثنينه دومهم رباعه .. وكلهم في كليه الشرطه .. وايداومون ويردون عند ناصر ولد خالتهم الي بعد هوه يشتغل هناك .. بس هو ما كان ايخاويهم دوم في طلعاتهم لانه روحه عنده ربع ..و ايتمون كلهم في شقته الي في ابوظبي لين الويك اند..وخلاف ايردون صوب العين ..

سلطان : يالله يا هاي الاغنيه كيف اموت عليها .. فديت الي في بالي انا ..
حميد : دووووووم حاطنها .. هاي الاغنيه بالذات اتذكرني بناس غاليين عليه ..
سلطان : سلامي عليك يا بو نوره .. غنيت والله يوم غنيت هاي الاغنيه

وتم سلطان ايغني ويا محمد عبده ..(راعي العيون الناعسه رمشها فيّ .. لا سلهمـ .............)

حميد كان متوقع انه الي يقصدها سلطان هيه ميثه .. بس خلا عمره ما يدري عن شي .. لانه اصلا حب سلطان لميثه امبين في اعيونه .. ومن يوم هم اصغار وهم امحيريين لبعض ..والاغلبيه يدرون بهالشي ..

حميد كان يحترم مشاعر سلطان وايد ..لكن شوه ايسوي بقلبه الي كل ما قاله ابعد عانده في هالشي .. لانه حبه الها .. كبر وياه .. كان ايشوفها اوقات بالصدفه يوم تيي بيتهم عند خواته .. صدق كان مغرم ابها ..بس عمره ما بين لحد هالشي الا للريم اخته الي مره وحده حطته جدام الامر الواقع واجبرته يعترف ..ميثه كانت اتلاحظ الريم اتلمح الها اوقات لهذا الشي .. بس حبها لسلطان ولد عمها خلاها تعتبر حميد شرات ناصر اخوها .... . يالله يالدنيا .. اعيال خاله ..و ربع.. وأكثر من اخوان وايحبون نفس البنت ...


حميد انتبه انه في حد كان واقف فوق العرقوب .. جان ايقصر على المسجل الي سلطان كان مندمج وياه ..

سلطان : هاه شياك عليه ..
حميد : ما تشوف حد واقف اهناك ..
سلطان : هيه هيه .. هزرك منوه هاي ..
حميد : اكيد الا حد من الاهل .. بس ليش اتأشر علينا ..

الريم كانت اتحاول تلقط ارسال .. بس للاسف كان وايد اضعيف .. ويوم شافت سيارة مجبله صوبهن .. عرفت انه حد من الي يايين وياهم .. تمت اتاشر عليهم .. : وأخيرا .. ..

حميد : بنسير انشوف شوه السالفه ..
سلطان : يالله ..

يوم شافت الريم السيارة اتقربت منها اتغشت وزقرت على البنات وقالتلهن انه حد ياي ..عسب هن بعد يتغشن ..

وقف حميد السياره عدال الريم وعرفها انها اخته .. ورمسها من الدريشه .. :شعندج تأشرين علينا .. رب ما شر ..

الريم : الشر ما ايك ..الا ميثاني بنت خالوه شيخه اتخرطفت وجنها الا انفجت ريلها ..

انقبض قلب سلطان من سمع الريم شوه قالت ..قبل لا ينقبض قلب حميد .. وكان اسرع عن حميد في الرد عليها .. :انزين .. وشحالها هيه الحين ..


حميد ما اتعيب من ردت فعل سلطان .. لانه كان متوقع هالشي ..

الريم : لا الا شويه .. عاد انته اتعرف البنات بزيات .. لو تضربهن شوجه احتشرن ..
حميد : انزين وشعنه ما رديتن ..
الريم : حاولت تمشي الا ما رامت ..
سلطان : لا حووووووووووووول لا يكون شي اقوى من الفجج .. انزين وينها هيه الحين ..

الريم وتأشر عليهن: اكن وين ..
حميد : منوه بعد ياي وياكن ..
الريم : نورة بنت خالوه فاطمه ..
سلطان : اها ..انزين ليش انتن يايات لين اهنيه وايد ابتعدتن ..
الريم : ربك عاد .......... اونا نتمشى وانسولف ..واتعورت ميثاني ..
حميد :انزين اركبي بنسير صوبهن ..

يوم اوصلو صوبهن انزلوا كلهم .. ميثه انقبض قلبها يوم شافت سلطان حادر صوبها
حميد : السلام عليكم
ميثه ونورة :وعليكم السلام
سلطان ما همه السلام على طول : سلامات ميثه ما اتشوفين شر ..
ميثه بصوت فيه الم :الشر يخطاك
حميد : قومن ركبن بنرد عند الجماعه ..بياكلنا ابوج الحين لو درى بج .. عاد كله ولا ميثه عنده ..

ضحكت ميثه ونزلت راسها ..

سلطان ايقول في خاطره :يا قلبي انتي .. ليت الضربه كانت فيه ولا فيج ..
نوره: ميثاني لا تيلسين تتدلعين وايد عند ابوج ..
ميثه : خلاص يا بوج ما بتدلع

سلطان ايقول في خاطره .. فديت هالمنطوق اتدلعي يا عمري ايحق لج تتدلعين ..

نشن البنات وساعدن ميثه تركب السياره .. وركبوا كلهم وساروا صوب اهلهم ...

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
e n g y
•°o.O نائبة المديرة O.o°•
•°o.O نائبة المديرة O.o°•
avatar

انثى عدد الرسائل : 48
العمل/الترفيه : ::طآلبهـ::
المزاج :
تاريخ التسجيل : 04/05/2008

مُساهمةموضوع: رد: والله اني احبك رغم كل الظروف   الأحد مايو 04, 2008 2:45 pm

في السياره

سلطان تذكر انه الاغنية الي كانوا يسمعونها اغنيه محمد عبده ..وجان اينش وايعيدها من الاول وطول اشويه على المسجل جنه يبا ايقول لميثه هاي اهداء لج ...

يوم وصلوا عند يلست الحريم .. نزلت نوره والريم و قبضن ميثه لين نزلت ..

كل العيون كانت صوب ميثه .. الكل مستغرب .. شوه السالفه .. وليش رادرات ويا حميد وسلطان .. وليش هنتين ايساعدن وحده منهن عسب تمشي .. عرفوا انه حد اتعور ..
ا
بو ناصر عرفها انها المتعوره هيه ميثه .. ويرمس ناصر : يا بويه قم شوف اختك شوه فيها ..
ناصر وهوه ناش : ان شاء الله ..

وسار صوبهن وعرف السالفه ... ورد وطمنهم .. وردوا الشباب صوب الرياييل ..

نش ابو سلطان وأذن لانه دخل وقت صلاة الا الظهر .. وعقبها قام الصلاه وصلابهم ..

بالنسبه لميثه .. همزتها خلود .. لانها ما شاء الله عليها وايد اتعرف اتهمز عن الفجج .. ومن همزت ريل ميثه ..شويه الا ميثه تمشي على ريلها مثل قبل ..

نوره اترمس مريم : كله من حوباتج ..
مريم : خيبه انا شوه قلتلكن ..
الريم : هاي وحده منكن كان في خاطرها اتسير ويانا ..
مريم :هههههههههه انا ما لي حايه فيكن ..

وتمن يتغايضن ..

ام سلطان : هاه الميث عسى ريلج الحين اشوى ..
ميثه : الحمدلله احسن بوايد ..
موزه :خالتيه ما اتشوفينها تشقح .. لا لا ما عليها شر ..
نوره : الله وكبر عليج .. ردي اتشاهدي على ويهج . لا تشطفين ريل البنت الحين ..
موزه : لا اله الا الله .. ما قلت شي يا بوج صرطيتني ما تخلصنا هالريل ..

وتمن كلهن يضحكن عليها ..

ام ناصر : ما شاء الله عليج يا أم اريام من همزتي البنت صحت امره ..
خلود : كلها طايفتنا اتعرف اتهمز عن الفجج ..
ام ناصر : ما شاء الله عليكم...
أم حميد : هاه تراهم الرياييل كل عادهم صلو ..قمن بنصلي نحن بعد الحين بيقولون غرفن .. بنات صلن وتعالن قطعن السلطه ..
الريم : امايه انا وميثاني ونواري .. ما انروم انقطع .. تونا يايات..
ام ناصر : والله محد لزم عليكن اتسيرن ابعيد ..

مريم وهيه تبا اتغايضهن :ايوه عليهن ..

الريم : ما عليه مريوم مردوده ان شاء الله ..

ام حميد: شوه بعد هاي مردوده .. اليوم ولا حد بيقطع السلطه غيركن .. نشن صلن وتعالن ..

تمن البنات يتطالعن حسن انهن لازم يستسلمن للامر الواقع .. ميثه :ان شاء الله خالته

ام ناصر : مريوم قومي خوزي هذيجه الحطبه من تحت الجدر .. ايسده اليمر الي اتحته ..
مريم : ان شاء الله ..

وعقب ما صلن الحريم وزهبن غداهن وقطعن السلطه الي اتفنن فيها ميثه ونوره والريم ..

زقر بو سلطان على الحريم : زهب غداكن والا بعده ..
ام سلطان : الحين بنغرفه ..

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
e n g y
•°o.O نائبة المديرة O.o°•
•°o.O نائبة المديرة O.o°•
avatar

انثى عدد الرسائل : 48
العمل/الترفيه : ::طآلبهـ::
المزاج :
تاريخ التسجيل : 04/05/2008

مُساهمةموضوع: رد: والله اني احبك رغم كل الظروف   الأحد مايو 04, 2008 2:46 pm

نشن الحريم وغرفن الغدا في صحنين كبار واحد للرياييل والثاني للحريم ..ام ناصر هيه الي يلست اتغرف والحرمات عدالها .. (ميثه من النوع الي ايموت على جبد الذبيحه ) كانت اتأشر على نواري الي كانت قريبه من الصحن تباها تيبلها اشويه من الجبد ..وجان اتمد نورة ايدها تبا تيب لميثه شويه من الجبد وجان تضربها امها على ايدها ..
نوره :اي
ام سلطان :وابويه .. شعندج اتمقرين اللحم ..

جان يتناقعن البنات عليها يضحكن ..

نوره : كنت ابا اقص جبد لميثاني ..فديتها اليوم هيه متعوره ولازم اندلعها . .
جان ترتسم ابتسامه حلوه على ويه ميثه عيبتها رمسة نواري ..

صكتت ام سلطان لانها هيه اتعز ميثه وايد ..

ام ناصر : ميثوه عن العياره عاد ..
ميثه : عذ ّرت حشا ما تخلصني هالجبد انضربت نواري على ايدها عسبها ..

جان اتنش ام سلطان وتقطع جبد لميثه ..
م
يثه : فديت خالتيه انا .. محد ايحبني كثرها ..
أم حميد : ما تنغلبين اسميج تعرفين تتعيرين زين ..
ميثه : خخخخخخخخ

عقب ما غرفن الغدا يا ناصر وراشد وشلوا الغدا ..

الجبسه صدق كانت ما عليها ..وخاصه حمست اللحم الي عدلتها خلود والبنات .. وحطنها فوق العيش ..
اتغدوا الرياييل وتغدن الحريم .. الرياييل اغسلوا ايديهم ويلسوا يشربون جاهي ..الشباب فرشوا الهم حصير رواحهم تحت سمره هناك عدال شوابهم الي خذولهم غفوه عقب الغدا عسب ما يزعجونهم ..وسار حمد صووب الكروزر ونزل الهم البيبسي ..وزع على الشباب والباقي وداه صوب الحريم.. الحريم عقب ما اتغدن لمن وعيانهن ورتبن المكان ويلسن ايسولفن ..

سلطان كان مستهم وايد على ميثه .. ما يدريبها نشت شرات الحصان ما فيها شي ..كان منسدح على ريل حميد ويالس يقرا الملحق الرياضي ..والشباب الي بعد يالس يقرا الجريده والي ايسولف ..يوم اتذكر سلطان ميثه نزل الجريده وظهر تيلفونه يبا ايطرش لنوره مسج يتخبرها عن ميثه ..جان ايشوف فيه نقطتين ارسال ..قال في خاطره بحاول ارسل وبشوفه جان بيطيع يرسل جان يكتب مسج بسرعه لنورة ..(خبرينيه شوه الحال على ميثه )..

نوره والبنات يالسات على الحصير ويشربن بيبسي ..شويه الا اترن نغمة المسج ..
ميثه : عيل وراه مساعه ما طاع يرسل يوم كنا نباه ..
نورة : يعلني بلاه ..

جان اتنش وتظهره وتقرا المسج ..ابتسمت وهزت راسها ..وردت عليه بمسج ثاني (تشقح ما عليها شر )
عقب ما قرا سلطان المسج ارتاح باله ...

حميد :أحمدوووه ..شل النا شله من زمان ما سمعتنا شي من شلاتك ..
ناصر : هيه والله
أحمد : فالكم طيب ..

يوم الخلايق ذهل ارقود .. ساهر ونومي لي حراما
كل السبب بو خصر مجلود .. يلي حكمني بالعداما
زين الوصايف لين العود .. سوى بقلبي كم وياما
لجله انا عديت لـــــنشود .. وأيير ونات عداما
دايم غلاه ايزيد بالزود .. يذبحنيه زود الغراما
اشتاق له لو يكثر اصدود .. واحب صوته والكلاما
واحب شخصه لو يبا اعهود .. واحلف وابصم بالبهاما
يوم الخلايق ذهل ارقود .. ساهر ونومي لي حراما
كل السبب بو خصر .. مجلود يلي حكمني بالعداما
وسلامتكم .. وتراها اهداء لراعية سويحان .
ناصر: صح السانك ..

مطر وهو منسدح وحاط سفرته على ويهه : امين ضويتها بعد هاي .. الا بتخبرك احمدووه .. هاي كم رقمها بين لوثك ..
احمد : لو اتشوفها يا بوغيث غرشوب والله انها ..وهاي غير عن الكل ..

مطر عقب ما خوز السفره من على ويهه ..وهوه مبتسم : ما يحتاي اشوفها عندي شيخة المزايين
سلطان : امحق شيخه ..
مطر وهو يرمس سلطان : شدراك انته .. وطنشه ورد ايرمس أحمد : انزين يا بو شهاب ذاك الشهر من الهير والي قبله من المناصيير .. المرة اليايه اميين ناونها ..

تموا كلهم يضحكون على مطر .. الي كان ايبالغ في رمسته ..
أحمد : ذوب فؤادي وملكه .. في وسط غزله شربكه
أ
حمد امغازلجي رقم واحد ..رغم انه عمره 19 الا انه ما مخلي بنت ما امغرمبها ..شامسي ما ينلام وامشابه يده الله يرحمه .. الشيبه كان ما خذ ثلاث حريم وحده من الوثبه والثانيه من الوقن والثالثه من زاخر ... كلهن متوفيات الا الي في زاخر ..وما تربطها علاقه قويه باعيال ريلها وبعيالهم ..

تذكر راشد القطا الي صايدينهن الصبح الي بعدهن في السياره ..: حميد الله يغربل بليسك نسينا القطا في السياره ..
حميد : ما عليهن براد الحين ما بيضيعن ..

راشد وهو يرمس احمد : دوك السويج سر هاتن من السياره ..وعطهن وحده من الحرمات خلهن اينتفنهن وييعدلنهن ويغسلنهن زين ..نبا نتعشاهن اليوم ..
سار احمد وعطاها الحريم ايعدلنها ..

الشواب عقب ما غفوا لهم ساعه تحت السمرة وذاك الجو السنع ..نش ابو سلطان وأذن لصلاة العصر ..وصلى بالرياييل جماعه ..وعقب ما صلو كلهم ..كل واحد منهم ركب سيارته وشل اهله وضوو صوب ابيوتهم ..إلا الشباب (حميد وراشد واحمد وحمد ومطر ) ساروا صوب عزبة يدهم ..

سلطان قالهم ..أنه بيوصل اهله البيت وبيرد صوبهم .. وناصر قالهم انه مواعد ربعه يظهرون رباعه ..وعسب جيه ما بييهم ..

وصلوا الشباب العزبه وساروا صوب الحلال وتمو يتفقدون حلالهم .. الي يمرن اشهور وهم ما يدرون عنهن..وخلاف ساروا صوب الطرف الثاني الي زارعين فيه ..

راشد : ييه ها من متى ما يينا هنيه ..
مطر : هيه والله حتى ما اعدي متى ياي هنيه ..
حمد : شباب شوه رايكم .. نتصل بسلطان وأنخليه اييب النا (السليب باق) وانبات هنيه دامه باجر اليمعه ..
أحمد : هيه والله والساعه 10 انرد ..
حميد : والله فكره حلوه ..
راشد : يالله غايته ..
مطر : عيل اليوم السهرة صباحي ..
حميد : بنخليه ايب الناورقه .. بنبات نلعب سبيت ..

وأتصلوا في سلطان وخبروه .. سلطان عيبته السالفه وقالهم انه بييبلهم الي يبونه وبيهم ..
عطوا بخش القطا وقالوا له ايسويلهم صالونه عليهن .. وايقرص الهم على الضو ..
عقب ما صلوا المغرب وصل عندهم سلطان .. وروا الضو ويابلهم بخش اللبن .. وسخنوه ويلسون يشربون ويسولفون .. عقبها اتعشوا ويلسوا يرمسون على الضو ويلعبون ورقه لين قرب الفير .. عقب ما شبعوا من الرمسه ..ارقدوا ..

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
e n g y
•°o.O نائبة المديرة O.o°•
•°o.O نائبة المديرة O.o°•
avatar

انثى عدد الرسائل : 48
العمل/الترفيه : ::طآلبهـ::
المزاج :
تاريخ التسجيل : 04/05/2008

مُساهمةموضوع: رد: والله اني احبك رغم كل الظروف   الأحد مايو 04, 2008 3:27 pm

الجــــــــــــــــــــــــــــــزء الرابـــــــــــع

وعقب ما طلعت الشمس..الي كانت اترد الروح للواحد ويا الجو الرهيب الي كان مغطي على المكان .. وعى راشد وصلى وورى الضو للشباب وسخن الهم ماي عسب اينشون يتوضون .. ويصلون ....

نشوا ينتفضون حليلهم من البرد ..الي ينش ويصلي ينطوي في لحافه و ينخش على طول عقبها تحت الضو من زود البرد ..

سلطان : اروح ريحت قروص..
راشد : عنبوه بايت تحلم ابهن ..
حميد : هيه والله صدقه سلطان .. حتى انا اروحهن ..
حمد : هذا اكيد بخش يالس يقرص الكم ..
راشد يرمس احمد : أحمدووه ..

أحمد وايد أضعيف وكان ايحس البرد يمشي في عضامه (ورمس قبل لا يكمل راشد رمسته ) : ر ر رش وود .. ال شـ يمـ ـه ..ما اتقولي سر طالع بخش.. شوه ايسوي ..

كلهم ضحكوا على احمد .. حليله فهمها بسرعه ..

سلطان : ههههههه .. حليلك ياليابس ..
حميد : بو مييد قم بنشوف بخش شوه سوالنا ريوق بنيبه للشباب ايدفيهم اشويه ..
سلطان ويمد ايده لحميد الي كل عاده وقف : اقبضنيه ..

ساروا حميد وسلطان صوب بخش الي كان يالس ايعابل الهم ريوق .. ( خطار عاد عنده لازم يستهم منهم ) ..
دخلوا عليه في السبله ..

سلطان : هود هود ..
بخش : هدا ..
نش وتوايه وياهم .. : مرحبا الساع بالشباب ..
سلطان وهوه يرمس حميد : يا سلام .. ما قلت الكم اروح ريحت قروص على الضو ..
بخش :امره .. عشر دقايق وبيزهب الريوق ..
حميد : زين عيل ..سخنته اللبن والا بعدك ؟؟
بخش : كله بيزهب الحين ان شاء الله ..
سلطان : يا زين الرقده هنيه .. اسميها الا دافيه هالسبله ..
حميد : بنسير نزقر أحمدووه ايي يتدفا هنيه ..
سلطان : ههههههههههه .. والله كسر خاطريه هاليابس ..
بخش : من بتاكلون هالقرص واللبن بتدفون ..
حميد : عيل بنظهر نحن الحين .. فت القروص وهات اللبن والسمن جانه شي ..
بخش :السمن موجود .. ما تبون بعد عسل ..
سلطان: زين والله ..

ظهروا الشباب عن بخش وساوا صوب الشباب .. لقوا هناك ناصر ..

سلطان : الله حيه بو محمد ...

اتوايهوا وياه وردوا عليه التحيه ..

حميد : اسميها فاتتك الرمسه الامسيه ..
ناصر : بغيته ايينيه ارقاد ..ما رمت ارقد واحيدكم كلكم متيمعين هنيه .. قلت ما شي الا انشر صوبكم ..
حميد : يا حيك والله ..

ناصر قالهم جيه بس الحقيقه شي ثاني .. ناصر بات طول الليل يتخيل شكل الملاك الي شافها في يوم العزيمه ..كان يتخيل شكل علياء بنت خاله خليفه.. علياء الي جمالها يشل عقل الانسان ما شاء الله عليها نسخه من أمها الله يرحمها ..شوه جمال شوه جسم .. كل شي فيها أحلى من الثاني ..ناصر شافها في العزبه بدون غشوه كانت مجفيه و يالسه اتغسل ايديها عقب الغدا صوب الكروزر .. وهو كان يايي صوب سيارته يبا ايظهر الصابونه عسب ايغسل ايديه زين ..ناصر ما عرفها اتحراها مريم اخته لانها كانت مجفيه ..
ناصر : ناولينيه بالله عليج الصابونه الي في السده ..

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
e n g y
•°o.O نائبة المديرة O.o°•
•°o.O نائبة المديرة O.o°•
avatar

انثى عدد الرسائل : 48
العمل/الترفيه : ::طآلبهـ::
المزاج :
تاريخ التسجيل : 04/05/2008

مُساهمةموضوع: رد: والله اني احبك رغم كل الظروف   الأحد مايو 04, 2008 3:28 pm

التفتت علياء حست انه الكلام الها ولا اتغشت ما عرفت منوه.. توقعته واحد من خوالها ..وحست انه الي ايرمسها ايعرفها ..يوم شافها ناصر قال في خاطره سبحان الله جنها عمتيه حمده اموطايه ..اكيد هاي بنت خالي خليفه ..

علياء عقب ما شافت ناصر ..لفت ويها وردت غشوتها بطرف اصبوعها على وييها لانه ايدها بعدنهن فيهن ماي ناصر : السموحه منج اتحريتج مريوم ..

علياء : لا افا عليك بالحل ..بغيت شي الشيخ ؟؟
ناصر وبعده هب قادر ايركز عقب ما شاف هالجمال كله :ما عليج اماره ..الشيخه اباج تظهريليه الصابونه من السياره .
علياء : فالك طيب ..

نفضت ايديها عن الماي وسارت وفجت الباب ..وخذت كنينكس ومشت ايديها .. وناصر بعده امبهت فيها ..ناصر : في سدت الباب بتلقينها ..

ظهرت علياء الصابونه وعطتها ناصر .. ناصر : مشكوره الشيخه ..
علياء : العفو .. عنبوه ما سوينا شي ..

وسار عنها ..هيه بعد كانت متعيبه من الموقف .. وانبهرت في ناصر .. بس هيه ما عندها هالسوالف .. ابتسمت وعقت غشوتها وردت صوب الحريم ..

(هذي هيه سالفه ناصر وعلياء )


انرد للشباب ...
حميد : الي عسى عاد ما تريقت ..
ناصر : لا شوه اتريق .. قلت في خاطريه اكيد بخش بريقكم قرص ولبن ..
مطر : يا خي لو اتريقت انته هناك قبل لا تي..
راشد : ليش عاد ..
مطر : نصور بطنه هالكبر شوه بيمزره ونحن يوعانيين ..
ناصر وهو ايمط البرنوص عن مطر : عنلاتك من كثر أكلك ياليابس ..
حمد : كلهم عندكم يابسيين ..
ناصر: هههههههه جيه منوه قالها غيريه ..
حمد : سلطان قبل لا تي كان يغايض أحمد ..

سلطان الي ايشوف مطور وأحمدووه ما يقول الا يا يبينهم من مقديشو ..
مطر : عاد اتدلها انته مقديشو وين .
سلطان : وسايرلها بعد ..

كلهم اتعيبوا الا حميد الي كان فطسان عليهم من الضحك ..مقصه حليلهم
الجميع : متى ..؟؟؟
سلطان : يوم سايرين نيبك من اهناك .. هههههههههههههههههه
كلهم ما توا من الضحك على رمسة سلطان ..
مطر : تدري انك خام عنلاتنك .. عيل تباني شراتك ..( سلطان ما كان متين بالعكس كان جسمه وايد حلو ..)

شويه والا بخش يايبلهم الريوق .. يلسوا يتريقون ويسولفون ..

سلطان وهو يبا ايغيض بأحمد وبمطر : هالاثنينه يبا حد ايخليهم اسبوع هنيه .. حرام ياأنهم ايردون هالمتن ..
مطر وهو يرمس احمد الي كان مندمج ويا الاكل : خل عمرك ما تسمعه ..
حميد : خلهم عنك .. هب هيينين تراهم .

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
e n g y
•°o.O نائبة المديرة O.o°•
•°o.O نائبة المديرة O.o°•
avatar

انثى عدد الرسائل : 48
العمل/الترفيه : ::طآلبهـ::
المزاج :
تاريخ التسجيل : 04/05/2008

مُساهمةموضوع: رد: والله اني احبك رغم كل الظروف   الأحد مايو 04, 2008 3:29 pm

عقب ما خلصوا من الريوق .. يلس احمد كل شويه ويشل الهم شله والكل مرتبشين وياه .. وعقبها تموا ايحوطون اشويه في العزبه وركبوا سيايرهم وخذولهم لفه في ذاك المرقاع .. تقريبا ساعه ..وخلاف ردوا بيوتهم .. صدق انه هاي الطلعه كانت طلعه .. من احلى الطلعات الي طلعوهن مع بعض..الكل كان مستانس ومرتاح الحمدلله

بعد كم من يوم

في بيت ابو ناصر
ام ناصر : ميثوه قومي عاد بسج من الرقاد ..
ميثه : اممممممممممم .. امايه شوه تبين ..
ام ناصر : عنبوه نشي هب ارقاد هذا ..من ييج الاجازه وانتي الا راقده ..
ميثه : امايه شوه تبيني انش اسوي ..
ام ناصر : نباج تيلسين ويانا ..والا ارقاد والا مطالع تيلفزيون ..
ميثه : انزين الحين كم الساعه ..؟؟
ام ناصر: الحين الساعه 12
ميثه : ما عليه الحين ناشه ..

ويوم سمعت ميثه اذان الظهر أذن نشت وتسبحت وصلت وسارت عند امها في الصاله ..

.........على الغدا ...
ميثه :امايه .. تراه الكورس الياي ماشي باقي عليه .. بيبدا جريب ..وانا لين الحين ما خذت شي..
مريم : عاد هذا الي يبلي عمره بجامعات ..
ام ناصر : سكتني مريوم عن البنيه وخليها تدرس دام الله هادنها ..
ابو ناصر وهو يرمس ناصر :ود اختك السوق خلها تاخذ الي تباه ..

في البدايه قال في خاطره .. لا حوووووووووول ما فيه عليها .. بعدين فكر قال لا .. هاي فرصه عسب اتخبر ميثاني عن علياء .. : ان شاء الله ابويه .. ولتفت ايرمس ميثه : ميثاني اليوم العصر بوديج ..

استغربت ميثه من رد ناصر .. لانها اتحيده ما يداني ايودي البنات وياه السوق ..وهب من سهايله ايوافق وبهاي السرعه ..

مريم : سبحان الله ..
ناصر : من شوه ؟؟؟
مريم : لا ماشي بس كنت اسبح ..

ضحكت ميثه لانها فهمت ليش مريم قالت جيه .. وكانت هيه بعد بتقول .. بس خافت انه ايغير رايه ..
العصر سارت ميثه ويا ناصر السوق .. وكان امشغل المسجل .. وجان يقصر عليه ..
ناصر : ميثاني ..
ميثه : عونك ..
ناصر : عانج الله ..
ناصر : منوه من البنات كانت لابسه يوم العزيمه كندوره حمراء وفيها اشويه الوان بعد ..
ميثه فهمت من يقصد ناصر ..بس حبت اتغلس عليه .. : هيه هذيج موزوه بنت خالتيه وديمه ..
ناصر : اها ..(ورد وطول على المسجل )

سكتوا اشويه وردت وسألته ميثه : ليش تتخبر عنها ..؟؟

ناصر : هاه .. لا ماشي .. بس ذاك اليوم زقرت وحده اتحريتها مريوم ..ويوم صدت صوبي كانت هب متغشيه .. واستحت وجفت وردت غشوتها على ويها ..تلومت منها ..

ميثه اتقول في خاطرها الا قول سحرتك بجمالها ...

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
e n g y
•°o.O نائبة المديرة O.o°•
•°o.O نائبة المديرة O.o°•
avatar

انثى عدد الرسائل : 48
العمل/الترفيه : ::طآلبهـ::
المزاج :
تاريخ التسجيل : 04/05/2008

مُساهمةموضوع: رد: والله اني احبك رغم كل الظروف   الأحد مايو 04, 2008 3:30 pm

ناصر تم شاك انه الي شافها كانت موزه لانها هاي البنت الي شافها كانت نسخه من عمته حمده ..ومستحيل ما اتكون بنتها ..
ميثه تقطع تفكيره : هيه وعلايه بنت خالي خليفه وايد يتشابهن ..

يوم قالت ميثه علايه فز قلبه .. شك في انه ميثاني تبا تغيضه بس .. لانه هوه شاك في انه الي شافها كانت علياء هب موزه..

قصر على المسجل ..ناصر : انزين وكم كبرها هاي ..
ميثه : من سنك تقريبا والا اصغر عنك بسنه ..هاي كانت تدرس في التقنيه وعقب ودرتها ..
ميثه حست انه ناصر في خاطره مُصر على انه الي شافها كانت علياء هب وحده ثانيه ..وانه وده يسأل ميثه اكثر واكثر عن عنها ..
رحمت حاله جان اتقوله : البنت الي شفتها ما كانت مووزوه ..هذيج علياء بنت خالي خليفه ..بس تراني بغيت اغلس عليك..
ناصر عقب ما طالع ميثه بنظره قويه : عنلاتج ..عيل خلاص ماشي سوق بردج الحين البيت ..
ميثه : فديتك ناصر والله كنت اسوي عليك سوالف ..

ناصر : انزين ..جان بتخبريني زود عن علياء بوديج المكان الي تبينه ..

ابتسمت ميثه عيبها الشور ..قالت فرصه استغله : اممممم اباك اتوديني العين مول ..
ناصر وهوه يتظاهر انه امعصب : شوووووووووووووووه ؟؟
ميثه: لا لا خلاص ما قلت شي ..

تمت ميثه اتخبر ناصر عن علياء .. وكل ما اتقول شي قلب ناصر يتولع ابها اكثر وأكثر ..
قال في خاطره .. خلاص هيه هاي الحرمه الي اباها وادورها من زمان ..والي بكمل وياها طريجي ..وتملي عليه الدنيا .. حرمة ما شاء الله عليها وراعية بيت (طبعا هذا من الي سمعه من وصف ميثه الها ) + جمال ما شافه على انسانه من قبل +انه هوه حبها من اول ما شافها ..

وهم رادين صوب البيت عقب ما خذت ميثه الي تباه ..
ناصر : ميثاني ابا الكلام الي كان امبينا ايتم سر .. اوكيه ..
ميثه :أفا عليك .. ونحن في الخدمه ..

ووصلوا البيت ..
ناصر : يالله فارجي..
ميثه : هيه الحين فارجي ..عقب ما خبرتك كل شي .. ما عليه الحين بسير اخبرهم كلهم الي في البيت ..
ناصر : عاد بتذلنا هاي .. ويا هالويه ..
ميثه : خخخخخخخخخ .. خلاص يا بوك بفارج .. مشكور على الخدمه ..

نزلت اغراضها وسارت داخل .. ناصر خذ له لفه ورد البيت .. وطول الوقت ايفكر في علياء ..

كان هذاك الاسبوع اخر اسبوع اجازه لناصر .. عقب ما رد البيت تم ايفكر .. هوه صدق حب علياء والا مجرد اعجاب مع الايام ممكن ينتهي .. بس الايام الي مرت اثبتت للناصر انه حبه لعلياء كان صادق .. والدليل انه حبه الها بدا يكبر وياه يوم بعد يوم ..

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
e n g y
•°o.O نائبة المديرة O.o°•
•°o.O نائبة المديرة O.o°•
avatar

انثى عدد الرسائل : 48
العمل/الترفيه : ::طآلبهـ::
المزاج :
تاريخ التسجيل : 04/05/2008

مُساهمةموضوع: رد: والله اني احبك رغم كل الظروف   الأحد مايو 04, 2008 3:31 pm

الجزء الخـــــــــامس
عزم انه ايرمس امه في السالفه .. وفعلا رمسها والكل استانس على هالخبر ..وعقب كم من ويك اند سار ابوه وعمومته صوب خاله وخطبوله علياء.. وبجذيه ايكون راشد خاطب مريم .. وناصر علياء .. يعني متبادلين ..
واتفقوا انه الملجه والعرس ايكونن في الاجازه .. وانهم ايسوووون عرس جماعي الهم وايكون في بيت بو ناصر .....
مرت الايام الي بعدها روتينيه .. الي عليه مدرسه داوم .. والي عليه جامعه بعد داوم .. وردت الحياه لمجراها الروتيني ..

في الجامعه وبالتحديد في المدرجات الساعه كانت 12 ونص ..نوره وميثه خذن غدا من الرباعيه وسارن المدرج يترين الريم تي عندهن لانهن متعودات كل ثلاثاء يتغدن رباعه ..ويتمن ويا بعض لين تبدا محاضره نوره وميثه الساعه 2:40 ..الريم اتكون مخلصه من الساعه 12:40 اتم وياهن لين ما ايها خالها ..
يلسن البنات يتغدن ويسولفن ..

الريم : ميثاني ما حددتوا متى بيكون عرس اخوانج ..
ميثه : اضنيه الا في الصيف ..
نوره : بتسونه في بيتكم ..؟؟
ميثه : هيه حتنه جدام بيتنا مكان وسيع ..ويظم للخيام ..
الريم : عيل هالسنه ما بتسجلين صيفي ..!!
ميثه : لا دخيلج : عقب صيفي العام ما أضنيه اسجل مرة ثانيه ..
نوره : اتحيدين ميثاني شكثر اسودينا ..
ميثه : ايييه لا تذكريني الله يخليج .. غديت محور من السواد..عقب الصيفي اسبوعين وانا اعابل في ويهي ..
الريم : وانتي نواري ..؟؟
نوره : طال عمرج صبغتيه اصليه ما تتغير .
ميثه : احم احم ..خليني ساكته..منوه الي ما خلى خلطه ما استخدمها ...
نوره : اقول اقول الله يخليكن غيرن السالفه ..هالموضوع ايب اليه الاكتئاب ..
الريم وميثه : هههههههههههههههههههههههه
نوره : هاه ريماني على أي تخصص استقريتي ..
الريم : اضنيه الا شريعه وقانون ..
نوره : ههههههههههه .. حرام ليظهرمن عندنا مذهب خامس والا بنألف النا دستور للدوله ...عنبوه كلنا شريعه والا دراسات اسلاميه ..
ميثه : ما بيدينا حيله .. بعدين هن هالتخصصين الي بينفعنا في دينا ودنيانا ..ان شاء الله
نوره : اسلمت ميثاني ..لا اله الا الله
ميثه والريم : ههههههههههههههه

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
e n g y
•°o.O نائبة المديرة O.o°•
•°o.O نائبة المديرة O.o°•
avatar

انثى عدد الرسائل : 48
العمل/الترفيه : ::طآلبهـ::
المزاج :
تاريخ التسجيل : 04/05/2008

مُساهمةموضوع: رد: والله اني احبك رغم كل الظروف   الأحد مايو 04, 2008 3:32 pm

عقب ما وصلت الساعه 2:30 ترخصت منهن الريم لانه يواحي خالها يترياها عند البوابه .. قاللها انهن هن بعد بيظهرن بيسيرن كلاساتهن طلعن رباعه ودتهن الريم مبنى 66 وسارت هيه صوب البوابه ..

مرت الايام وقرب عيد الاضحى .. قرروا ام ناصر وابو ناصر ايسيرون الحي ..طبعا كل الي في البيت حزنوا لانهم بيكونون اول مره ايعيدون بلا امهم وأبوهم .. يعني الخبر كان صعب عليهم ..

ميثه من درت عن الخبر وهيه كله الا اتصيح .. هيه وايد اتعز ابوها ..وما تصبر عنه .. حتى امها ما كانت ارخيصه عندها الا هب كثر ابوها ..

دخلت مريم على ميثه في حجرتها ..

مريم : ميثوه قومي ابويه يباج اترتبين له شنطته ..
ميثه : مريوم ظهري ما فيه عليج ..
مريم : والله انه ما طاع ايخلي حد ايقفض له شنطته ..على قولته ما يبا الا ميثاني . بغيناه كلنا الا ما طاع .. جنا نحن هب عياله ..
ميثه وهيه تمسح ادموعها .. : عيل غياض فيكم انا الي برتبها له ...
مريم : سيري الله يخليج .. الا لا تخيسين له اثيابه دموع ..
ميثه : عسب يتذكرني هناك ..
مريم : والله اخافهن ايعبرن ادموعج من كثر ما اتصيحين ..لولو فديتها ما صاحت كثرج ..
ميثه : دموعي هن والا دموعج ..

وظهرت عنها وسارت حجره ابوها .. أول ما شافته لوت عليه وتمت اتصيح ..ويلس ايهدي فيها ويالله يالله سكتت ..
يوم اليمعه كان موعد سياره الحياي ..وصلهم ناصر المطار ورد العين صوب اخوانه .. اترخص من دوامه عسب ايتم وياهم ذيج الايام .. وكانت بين اليوم والثاني اتمر عليهم وحده من خالاتهم وعمومتهم بعد ما قصروا كانوا ايمرون ايشوفون اعيال اخوهم ..كلهم الساع ما قصروا وياهم ..

قبل العيد بليله سارت مريم وميثه السوق ويا ناصر وخذن كل شي ناقص للبيت ..وكل متطلبات العيد .. صدق ما شاء الله عليهن حريم يقدر الواحد يعتمد عليهن اذا غاب .. ربيتي يا أم ناصر يوم ربيتي ..

يوم العيد ... نشت مريم من الفير ووعت خوانها وخواتها ..الشباب اتسبحوا وتلبسوا وتدخنوا وظهروا ساروا صوب مصلى العيد .. (عقب الصلاه ردوا صوب خواتهم وسلموا عليهن ويلسوا شويه عاد هب زين ايخلون بس البنات رواحهن ..وخلاف ساروا صوب اهلهم وعربانهم ايعايدون عليهم ..

طبعا كلهم حزت في خواطرهم انهم ايعيدون بلا ابوهم وامهم .. بس شوه ايسون ..

مريم في البيت ما شاءالله عليها سدت عن امها .. كل ما ايي ريال لبست عباتها وردت غشوتها على ويها وظهرت وسلمت على الريال.. وتحاول اتقرب به في الميلس.. بس الاغلبيه يوم العيد ما ييلسون يتقهويون يكفي سلام وخلاص .. خاصه بعد انه البيت ما فيه لا راعي البيت ولا حرمته ..

ميثه كانت تتحرقص تبا عمومتها ايون .. لانهم امعودينهم ايوون كلهم رباعه صباح العيد .. طبعا هيه ما يهمها حد كثر سلطان ..
كانت ما سكه زام على التيفلون .. اتسكر عن وحده واتدق لو للثانيه .. غير الخطوط الي اينها وهيه ترمس ..

ميثه : سلامي لحظه فديتج بشوف منوه على الخط ..
سلامي : لالا دامه عندج خط بخليج عيل بسير عند امايه ..بتصلبج اخلاف ..
ميثه : اوكيه ..مع السلامه
ردت ميثه على الخط كانت تتوقعها وحده من ربايعها : الوو مرحبا ..عيدج امبارك (تبا تسبق المتصله ..)
.............: مرحبا ملاااااااااااااااييييييييين بأحلى صوت ..وعساج من العايديين ..

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
e n g y
•°o.O نائبة المديرة O.o°•
•°o.O نائبة المديرة O.o°•
avatar

انثى عدد الرسائل : 48
العمل/الترفيه : ::طآلبهـ::
المزاج :
تاريخ التسجيل : 04/05/2008

مُساهمةموضوع: رد: والله اني احبك رغم كل الظروف   الأحد مايو 04, 2008 3:33 pm

ميثه من سمعت الصوت المتصل خنقتها العبره ولا رامت ترمس ..

ميثه : ......................
ابو ناصر : فديت هالصوت انا .. والله اني ولهان عليج وااااااااااااايد ..
ميثه تمت اتصيح بس ما كانت تبا ابوها يسمعها وهيه تصيح .
دخلت عليها مريم : ميثاني شوه فيج ..
عرفت مريم انه المتصل ابوها ..لانه شوه الي بيخلي ميثه اتصيح في يوم العيد .. جان تاخذ عنها السماعه ..
مريم : الووووو
ابو ناصر : مرحبا الساع بمريوم .. شحالج ابويه واشحال اخوانج .. ؟؟
مريم : كلنا بخير جانك انته وأمايه ابخير ..
ابو ناصر: انا وامج بخير وبنعمه وما نشكي باس .. عيدج امبارك ..
مريم : عساك من العايدين ان شاء الله ..وشوه اخباركم ..
ابو ناصر : لخبار الزينه والله كله يوميين ونحن عندكم ..

مريم يوم قالها ابوها جيه صدت صوب ميثه وهيه فرحانه ..:ميثاني سمعي ابويه ايقول عقب يوميين بيردون ..
فزت ميثه من مكانها وخذت عنها السماعه .. اتأكدت من الخبر ورمست ابوها وعقب رمسن امهن ..

دخلت ميرانتي على مريم : مريم ... فيه ريال زياده برى ..

عطت مريم السماعه ميثه عقب ما ترخصت من امها وطلعت للرياييل .. طلعوا الي يايين ..عمها ابو سلطان وولده مطر ..وعمها سعيد ..وخالها خليفه وعياله راشد واحمد .. وولد خالتها حميد ..

سلمت عليهم وقربت ابهم في الميلس ..
خليفه : عيل وين خوانج وخواتج ..
مريم : اخواني يو اهنيه عقب الصلاه .. وخلاف ساروا ايعايدون .. ولولو وشموس سارن صوب يرانا .. وميثاني احيدها اترمس امايه ..
ابو سلطان : هيه وشوه الحال عليهم .. حليلهم ما اتصلناهم اليوم ..
مريم : بخير وبعافيه .. ولا فيهم شر و ايردون السلام عليكم ..
الجميع : الله يسلمهم من الشر..
أحمد : بيكون ميثاني دلوعت ابوها ما صاحت اليوم .. ؟؟
مريم : لا ما قصرت التالي كله ظهرته ..

حميد عايبتنه الرمسه دامها اتخص ميثاني واستانس لانه الحين بيشوفها يوم بتي اتسلم عليها .. لو انها تتغشى عنهم بس يكفي انها اتكون موجوده في المكان هوه موجود فيه ..

سعيد : وينها هيه قومي زقريها بنسلم عليها ...
مريم : ان شاء الله .. خذولكم انزين فنيان هب زين واصلين لين اهنيه ولا تتقهويون ..

خلتهم يتقهويون وسارت تزقر ميثه ..

مريم : ميثوه تعالي عمومتج وخالج هنيه .. يبون ايسلمون عليج ..
ميثه : فز قلبها ..يوم سمعت طاري عمومتها ..واتحاول اتخلي عمرها عادي .وجان تسأل مريم : منوه بعد ياي وياهم .. ؟؟
مريم عرفت انه الي تبا تسأل ميثه عنه هوه سلطان .. قالت بتغيلس اشويه عليها : عيالهم ..
ميثه : اها ..
مريم : ارتاحي الي بالي بالج محد .
ميثه بحزن : افا ..
مريم : ميثوه يالله الرياييل بييلسون يتريونج وايد .. عيل ما يخلصهم سلامج ..
ميثه :انزين يالله بلبس شيلتيه ..

سارت مريم وميثه صوبهم ..سلمت عليهم ويلست عدال عمها سعيد وتموا ايسولفون في الميلس لانهم كانوا يتريوون ناصر وحمد ايون .. كانوا يبون ايسيرون رباعه ايعايدون على الشيوخ ..

مطر حب ايغلس اشويه على ميثه ........
مطر : يالله محلات يمعتنا ...ما تنقصها الا بو مييد..

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
e n g y
•°o.O نائبة المديرة O.o°•
•°o.O نائبة المديرة O.o°•
avatar

انثى عدد الرسائل : 48
العمل/الترفيه : ::طآلبهـ::
المزاج :
تاريخ التسجيل : 04/05/2008

مُساهمةموضوع: رد: والله اني احبك رغم كل الظروف   الأحد مايو 04, 2008 3:34 pm

كانت ميثه ترمس ويا عمها ويوم سمعت طاري بو مييد سكتت..وصدت صوب مطر..

مريم : جيه وين هوه ؟؟...
ابو سلطان : يعلنيه هب بلاه قبضووه طواري ..
حميد : اشدنه العيد بلا سلطان هب شي
ميثه...اتقول في خاطرها هيه والله صدقك

شوي الا وصلوا ناصرو حمد ويلسوا اشويه خلاف طلعوا صوب الشيوخ ...قبضت ميثه المدخن وتمت اتدخنهم وهم ظاهرين ما بغوا امبونهم لا دخون ولا عطر ..مطركان اخر واحد ظهر وكان متعمد هالحركة..

مطر وبصوت واطي : هاه ميثوه ماتبيني ارد السلام على حد؟؟؟
ميثه(وكانت مستغربه من اسلوب مطر ) :....................
مطر : ماعليه ميثوه بس هذا؟ يوصل إن شاء الله ...
ميثه :بتخبرك انزين انا الحين رمست فجيت حلجي ..قلت شي ..
مطر :لا ما يحتاي بألف من عنديه خخخخخخخخخ..
وزقر عليه ابوه واشر الها بييده مع سلامة وسار عنها ....

عقب ما ردوا الريايل من عند الشيوخ ساروا صوب بو سلطان وتريقوا هناك وخلاف اتفرقوا الا رد بيته والي سار يكمل سلامه ... شي طبيعي انه الاغلبيه ايكونون تعبانين ويرقدون عقب صلاة الظهر ...

في بيت بو سلطان وصل سلطان البيت الساعة 1:30 سلم على اهله ودخل واتسبح وبدل ملابس وهبط عليه مطر في حجرته وخبره بالي سواه في ميثه وكيف رفع الها ضغطها...

سلطان : عنلاتك يا الحمار..
مطر يبا ايغير السالفه لاينهزب اكثر : لو شفت شلكها كيف كان يوم طريناك ؟؟
سلطان بسط على الكلام والابتسامه شقت حلجه ...وعزم ايهير صوب عربانه..
سلطان : شي في خاطرك انا ظاهر ؟؟
مطر : عين خير توك ضارب خط ابوظبي العين وط راسك لين العصر وخلاف سر..وين تبا الحين؟؟
سلطان :بسيراسلم على عمومتيه.. فضيحة اخلي اهليه لين العصر ما اعايدهم وانا في الدار..
مطر : كيفك ... كنت ابا راحتك...
سلطان : ما بتخاوينيه ؟؟
مطر : لا حشا بوطي راسيه ابرك اليه .. ناش من الفير ..

ظهر سلطان من بيتهم وقرر انه اسير صوب بيت عمه ابو ناصر اول وكله أمل انه يلقى ميثه وصل سلطان ونزل ودق الباب ... ناصر وحمد ومريم كانوا رقود ... محد الا ميثه وخواتها الصغار كانت يالسات في الصالة ايطالعن التيلفزون ..ميثه كانت منسدحه على الكنبة ... وفاله شعرها.. وكل عاده ياينها الرقاد وجان تسمع حد ايدق الباب نشت وعدلت من يلستها ولمت شعرها ..

ميثه : منوه ياي الحين لا حووووووول ...شموس قومي طالعي منوه برى ..
_____________________________

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
e n g y
•°o.O نائبة المديرة O.o°•
•°o.O نائبة المديرة O.o°•
avatar

انثى عدد الرسائل : 48
العمل/الترفيه : ::طآلبهـ::
المزاج :
تاريخ التسجيل : 04/05/2008

مُساهمةموضوع: رد: والله اني احبك رغم كل الظروف   الأحد مايو 04, 2008 3:35 pm

الجــــــــــــــــزء السادس

شمسة وهي معقده حياتها : والله ما فيه عليج انا يالسه اطالع ..
ميثه : قومي عيل منوه تبينه يظهر ايشوف ..؟؟!!
شمسه وهيه ناشه وترمس عمرها :اوووووووووووف ..كله انا ..

سارت شمسه وفجت الباب ... ويوم لقته ريال قربت به في الميلس ..هيه عرفته انه سلطان بس ردت مستعيله داخل كانت تبا اتكمل برامج الاطفال الي كانت اتابعه ...

قالت عشان ميثه : ميثوه هذا ريال ودخلته في الميلس ..
ميثه : ياويل حالي.. محد هنيه الا انا يعني لازم اظهر..لا حوووووووول شوه بسوي ..

استسلمت ميثه للامر الواقع ..وخذت ميثه شيلتها من على الطاولة ولبستها وتغشت وسارت صوب الميلس ..

كانن خطواتها ثجال .. هب متعوده تنحط في هالمواقف.. دقت الباب..وطالعت منوه الريال ... نش الريال الي كان يالس ايعابل في موبايله .. يوم شافته ميثه اتيبست مكانها ..معقوله ...لالالالالالالالالا مااتوقع .. هيه ما كانت تتوقع الي ياي هوه سلطان لانها شموس اتعرفه وما قالت الها انه سلطان ..( ماعليج ياالهرمه انا براويج )....

ميثه عقب ما حاولت تلقط نفسها : السلام عليكم ......

سلطان من صوبه عرف انه هالبنت هيه ميثه لأنه شافها طويله وجسمها حلو .. وايحيد شكلها يوم لقاها وكانت متعوره يوم سايرين العزيمه ...

سلطان كان حاط امل ضعيف أنه ايشوفها ... بس انها هيه تظهر له بنفسها ..لالالالا هاي الي ما كان حاسبلها حساب.. وما كاان حتى يتوقعها ..

سلطان : وعليكم السلام والرحمه .. شحالكم ..وشحال عميه وخالتيه ؟؟
ميثه : كلنا بخير وبنعمه االحمدلله ...
سلطان : دوم وهب يوم ان شاء الله ..
ميثه : وشالحال عليكم ....؟؟
سلطان : بخير يعلج الخير...وعيدكم امبارك ..
ميثه : عساك من العايدين السالمين ..

سلطان وهوه مبّسط من الخاطر على ميثه ويا كلامهم ايطووول : يا مرحبا .. الا بتخبرج متى عزموا الحياي ايردون ..؟؟
ميثه : عقب يومين ان شاء الله ..
سلطان : درب السهاله.. وجدامهم الرحمن ..
ميثه :آمين ..الله يسلمك..
سلطان :جنج ما عرفتينيه ... انا سلطان ولد عمج سيف ..

ميثه في خاطرها كيف ما اعرفك وانته الدم الي يمشي في عروقي ..

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
e n g y
•°o.O نائبة المديرة O.o°•
•°o.O نائبة المديرة O.o°•
avatar

انثى عدد الرسائل : 48
العمل/الترفيه : ::طآلبهـ::
المزاج :
تاريخ التسجيل : 04/05/2008

مُساهمةموضوع: رد: والله اني احبك رغم كل الظروف   الأحد مايو 04, 2008 3:40 pm

ميثه : مرحبا بك والله .. اقرّب..تفضل ..
سلطان : جريييييييب دام فضلج ... توني ياي من بوظبي وهلكان..كانوا ماسكيني طواري..الا يوم وصلت البيت قلت فضيحه اخليكم لين العصر ما اعايدكم .. وسيّرت صوبكم ..
ميثه : من طيب اصلك ..
سلطان : طاب حالج .. الا خوانج وينهم عيل ..جانهم الا راقدين ..؟؟
ميثه : هيه والله ..عاد هب زين ما تقرب وتتقهوي ..
سلطان : دام فضلج الشيخه ..بسير اسلم على اهليه الباجيين وبوطي راسي شويه .. شي في خواطركم من صوبنا ..؟؟
ميثه : رد السلام على خالتيه وعلى نواري..
سلطان : يبلغ بخير .. خالفتنا العافيه عليكم ..
ميثه :فداعت الله ..

ظهر سلطان عن ميثه .. وتمت واقفه محلها هب قادره تستوعب الي صار ..وقالت في خاطرها ..يالله ....معقوله الي كان يرمسني توه هوه سلطان .. صدق اني ما اتوقعت هالشي ..و...

وتقطع عليها افكارها اختها مريم .. وهيه تزقر عليها..عقب ما تأكدت انه الريال الي كان في الميلس ظهر ..
ميثه كانت واقفه بعدها لين الحين عايشه الصدمه .....

مريم : ميثاني منوه هالريل الي توه طلع .؟؟
ميثه : آآآآآآآآه لو تدرين من هذا ..
مريم وهيه عرفت ميثه منوه تقصد :لا تقولين !!!!
ميثه : هوه بكبره ..
مريم وتبا اتغلس على ميثه : اشوفج .. الابتسامه شاقه الحلج ..
ميثه وتضحك ضحكه بارده .. : باااااايخه ..
مريم : طالعه عليج ..
ميثه : انزين هوه ويرد السلام عليكم ..
مريم : الله يسلمه ..
ميثه وتبا اتغير الموضوع : انزين انتي شوه موعنج .. ما وحتي ترقدين ..؟؟
مريم : شبعت ارقاد ..
ميثه : الحمدلله يوم وعيتي عقب ما روح سلطان ..
مريم باستنكار : وليش ان شاء الله .. ؟؟
ميثه وهيه مبتسمه : لانه يالفالحه لو كنتي انتي واعيه .. جان انا ما ظهرت .. اكيد انتي بترتزين في ويهه ..
مريم : فقدت هالويه يا الخامه ... اسميج ما تستحين ..
وجان تضحك عليها ميثه وجفت بتدخل داخل الصاله ..
مريم : حوووووووووه ميثاني تعالي بقولج ؟؟؟
ميثه : هاه شعندج بعد .. ؟
مريم : العصر بنسير انسلم على حرمة حياة يدي.. عفراء..
ميثه : يالله يا مريوم توكم تذكرتوها ..
مريم : نحن ما نسيناها عسب نتذكرها ..
ميثه : انزين ما بنبطي عندها ..لان العرب دوم عندها ..
مريم : هيه بنعايدها وبنرد ..
ميثه : زين عيل .. دامه جيه ..

وهبطت ميثه الصاله عند خواتها ..والا مريم سارت صوب الخدامه اتخبرها اتسوي قهوه يديده وتنظف الميلس ..وتشيك على البيت ..

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
e n g y
•°o.O نائبة المديرة O.o°•
•°o.O نائبة المديرة O.o°•
avatar

انثى عدد الرسائل : 48
العمل/الترفيه : ::طآلبهـ::
المزاج :
تاريخ التسجيل : 04/05/2008

مُساهمةموضوع: رد: والله اني احبك رغم كل الظروف   الأحد مايو 04, 2008 3:42 pm

الساعه 5 العصر ..

وعّت مريم خوانها ..وتلبسوا ولبست مريم خواتها وساروا رباعه صوب حرمة يدهم ..الا حليلها ما يسيرون صوبها الا من العيد لين العيد ...

اما بالنسبه لخالاتهن وبناتهن اتفقن انهن اييين صوبهن عقب صلاة المغرب وبالمره يتهيرون وياهم .. ويرمسون عندهم لين الفليل ..

وبجذيه خطف اول يوم من ايام العيد... وثاني يوم ...
وفي اليوم الثالث .. كان موعد ييت ابو ناصر وام ناصر ..في البيت قبل بليله وهم مرتبشين كلهم ..عاد ميثه منوه قدها ..بتطير من الفرحه .. (ما ينلامون اول مره ايفارقون ابوهم وامهم رباعه )..

في يوم ييت الحياي ..

ميثه ومريم وناصر نشوا من الفير..وكلهم حيويه ونشاط ..ويطالعون سيعهم .. ويتريون الساعات اتمر بسرعه .. ويرقبون الساعه الي بيوصلون اهلهم فيها البيت .. وبينور البيت ابهم ...وكان موعد الطياره الساعه 8 الصبح ..

وسوو لهم الريوق والقهاوي ..وما خلوا شي ما حطوه ..

وعلى الساعه7 كانوا اغلب العايله وخاصه الحريم موجودين في بيت بو ناصر ..والكل فرحان..

ناصر وسلطان وحميد والعم سعيد ساروا يستقبلونهم في المطار ..
وعلى الساعه 10ونص وصلوا البيت ..عاد ذاك الساع منوه ايفجج ميثه من ابوها ..سوو فلم هندي ما شاء الله ...والكل احتشر .. وارتبش ..

ويلسوا الاهل رباعه ياخذون اخبار الحياي.. والساير والياي ما وقف عنهم ...والبيت ما شاء الله ما فضى ..تم على هالحال لمدة 5 ايام .. والعزايم كل يوم من عند حد .. وما تم حد ايعرفهم ما يا ايسلم ..

بعد اسبوع العيد رد الكل لدواماته ..وردت الحياة لمجرها ..

في يوم من الايام ..الدريول كان شال ميثه الجامعه متعودين ايوصلون ميثه الجامعه وعقبها حمد .. عند دوار توام اعترض الهم كروزر عليه مدعمية صب ..مال واحد من الشباب الصايعين .. وكان ايسوق بسرعه ..والدريول ما عرف كيف يتصرف ...حاول يسيطر على الوضع .. لكنه ما قدر ..

وجان يصير الي الله كاتبنه ..القلوب كلها طاحت من الروعه .. الضربه كانت من صوب حمد وميثه يعني من جهة اليمين ..ميثه من قوة الضربه صرخت صرخه وعقبها ما درت بالدنيا .. حمد بعد نفس الشي بس يوم سمع ميثه صرخت هاي الصرخه وهيه تزقر باسمه ..قدر يتحامل على عمره وصد بسرعه ورا وشاف ميثه وهيه طايحه .. زقر عليها بس ما ردت عليه حاول يرفعها بس ما قدر ..لانه روحه كان متعور وايد ..

حمد يصارخ وايرمس الدريول : عبد المجيد اتصل بسرعه للاسعاف ؟؟
الدريول بعده متبريد من الحادث وينتفض ويالله يالله خذ التيلفون واتصل بالاسعاف ..
وبما انه دوار توام مكان عام وايد .. دقايق زمن الا الشرطه والاسعاف عندهم ..

نقلوهم الطواري على طووول..الدريول ما تعور وايد الا جروح بسييييطه .. حمد من كثر ما نزف طاح في غيبوبه هوه الثاني ..
اتصلوا في ابو ناصر وخبروه بلي صار ..وقالوله انهم محتايين حد يتبرع للعيال دم .. من كثر ما نزفوا ..بو ناصر كان بعده في البيت ما سرح مكان .. وسمعته ام ناصر يوم ايرمسونه ويخبرونه عن الي استوا ..وانقبض قلبها .. حست انه شي استوا على عيالها .. عقب ما سكر عنهم .. خبرها بالسالفه بس ما قالها حالتهم بالضبط لانه ما بغى ايروعها اكثر.. وساروا صوب عيالهم..

يوم وصلوا المستشفى طلع انه لا دم بو ناصر ولا ام ناصر ايناسب العيال .. اتصل ابو ناصر في اخوانه وخبرهم بالي صار وانهم محتايين دم للعيال ..وهم الساع راعين فزعه دقايق وهم هناك .. حمد ناسبه دم عمه سعيد .. وميثه ناسبها دم عمها بو سلطان .. بس لانه شيبه ما قدروا ياخذون منه وايد .. خذوا منه كم من غرشه ايساعدن ميثه وهيه في هالحاله الخطيره .. وقالهم الدكتور انهم يحتايون زود دم .. ولو ما حد منهم اتبرع الها زياده بيحطولها من عندهم ..
==============
نهاية الجزء

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Do0olly
عضو جديد
عضو جديد
avatar

انثى عدد الرسائل : 30
العمل/الترفيه : كناسهـ بلديهـ
تاريخ التسجيل : 03/05/2008

مُساهمةموضوع: رد: والله اني احبك رغم كل الظروف   الثلاثاء مايو 06, 2008 12:35 pm

وااااااااااااو انا مو بس احب امووووووووت في القصص اللي جذي

يسلموو حبي ولي عووده بقرااءة الجزاااء

دمتـ بكل الوود
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
والله اني احبك رغم كل الظروف
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Rw3a الإحساس  :: •°o.O (روعة الإحساس الأدبي والثقافي) O.o°• :: .+.. القـصـص والـروايــــات ..+.-
انتقل الى: